وفي الوقت نفسه الاميرة بدأ يصيبها تعب شديد، ومكانتش قادرة تحافظ على شكلها طول الوقت، فطلبت انها تبقى في غرفتها ومفيش حد يزعجها فترة.
لكن حد من الخدم شافها، وضرب جرس الانذار، والدنيا قامت عليها طبعًا.
مين اللي غضب من معاملة البشر ليها؟،
ابوها، اللي اجتاح المدينة وحرقها ودمرها في نوبة غضبه وقتل ناس كتير منها. الامير والاميرة هربوا لكهف، وماتوا هناك من الحزن هم الاتنين.
وملك الناجا لعن ابو الأمير، الملك Ue-Lee وحوله لثعبان هائل حجر، الثعبان اللي محكوم عليه يفضل في المكان اللي كان فيه المدينة اللي الأمير البشري وأميرة الناجا عاشوا وماتوا فيه.
الثعبان ده هيفضل حجر، وهيفضل شاهد على المكان اللي بمرور الوقت هيتنسي وهيبقى غابة.
لحد اليوم اللي الغابة دي هترجع فيه مدينة تاني. وقتها اللعنة هتترفع والثعبان هيتحرك.
الصورة اللي في البوست دي حقيقية بالمناسبة، من محمية طبيعية في تايلاند اسمها Phu Langka. الكهف ده معروف بإسم Nāga Cave، المكان بالكامل تكوينات صخرية واخدة شكل جسم ثعبان، ورأسه اللي في الصورة دي.
الكهف مكان طبيعي والمفروض دي تكوينات صخرية مش ثعبان بجد، بس شعب تايلاند نفسه مازال مؤمن بالاسطورة، ومازال المكان ده بالنسبالهم المكان صاحب قصة الملك البشري اللي بقى ثعبان متحجر.
الكهف له صور كتير جدًا بالمناسبة وفيديوهات كتير تقدروا تتفرجوا عليها، والقصة جميلة بصراحة. واللطيف في الموضوع ان القصص عن كائنات الناجا، موجودة في قصص واساطير تانية حوالين العالم لشعوب متعرفش بعض اساسًا، فالموضوع مثير للاهتمام 😃.
بس كدة، دي كانت قصة سريعة
ومساءكم فل ❤