مشكلة عضوه

#مشكله عضوه
أنا مش عارفه اللي عملته ده صح ولا غلط علشان كده حبيت اخد اراءكم أنا عندى 18سنه وفي تالته ثانوي ابويا وامي منفصلين وامي اتجوزت وبابا اتجوز ده خلف وده خلف ليا اخ واخت بس عايشين مع ماما وجوزها الحقيقه جوزها حد محترم جدا وبيعاملنا كويس المشكله في امى منعه اى اتصال بينا وبين بابا مع انه بيبعت مصارفنا

بقالنا عشر سنين مش بنشوف بابا حتى اخويا الصغير ميعرفش شكله لان ماما كانت حامل فيه لما اطلقت وانا كنت صغيره واختى كان عندها تلات سنين اخواتي معرفهوش لكن انا مع اني كنت صغيره بس فاكراه وفاكره حنيته عليا المهم بابا دور ع اميلي وجابه وكلمني وانا كلمته وع تواصل معاه من ورا ماما وكمان بيخلي مراته تكلمنى وولاده اللي هما اخواتي احنا في محافظة بيعده اصلا عن اللي عايش فيها بابا المهم حاولت مع اخواتي يكلموه راحوا قالوا لامي وامي بهد،لتني واخدت منى الفون فتره كبيره بابا انا كان نفسي اشوفه وياخدني في حضنه حضنه كان وحشنى أوي لحد ما كلمته واتفق معايا عشان اروح اشوفه

في موقف محافظتنا وجه هو و تيته ومراته واخواتي مراته ست طيبه جدا مكنش عارفنى من غير الصور اللي بعتهاله انا مكنتش عارفه شكله وملامحه اللي اتغيرت جريت ع حضنه وبقيت اعيط واللي في الموقف عيطوا بقى يبوس ع ايدى وفي وشي ويقولي بقيتى عروسه انا معرفش السبب اللي امى حر،متنا عشانه اننا نشوف بابا ولا هو بيقول ولا هى طيب بابا سابنا لحد تاني يربينا ليه برضو معرفش ولا حد يعرف غيرهم ابويا حضنته أخيرا جابلي هدايا وفلوس كلهم ادوني هدايا لما فيهم مراته ادتنى هديه و 5000جنيه قالتلي اشتري بيهم لبس حلو وبابا ادانى اكتر منها وجدتي انا خبيت ع ماما انى شوفته والفلوس اللي معايا فوق العشرين ألف بابا قالي هاتي لبس لاخواتك وليكى هو بيبعت اصلا مصاريفنا كل شهر وبذياده

لان حالته الماديه كويسه الغريب إن حتى اهل بابا مش نعرفهم ولا حتى حد حاول يتصل بينا لينا اعمام وعمات وتيته ليه كل ده بعدوا عننا وازاى يوافقكم ع بعدنا عنهم بالسهوله دى مع انهم حنينين جدا انا مش عارفه اعمل ايه بالفلوس دى واقول لماما ولا ايه وأنا كده غلطانه انى قابلت بابا كان واحشنى اوي لو تشوفوه وهو بيبكى وأنا في حضنه هتعذروني اعمل ايه يابنات كده انا غلطانه