#مشكله_عضوه
انا مرات اب لطفلتين وخلفت من جوزى بنت وجوزى يشاء الله يتوفى وهى عندها ٣ سنين وهما اصلا امهم متوفيه انا بخاف اعاملهم وحش يعاملو بنتى وحش هما عندهم ٦ و٨ سنين بس بيحبو بنتى انا حاسه المسؤليه كبيره عليا وفى نفس الوقت مش عارفه اعاملهم زى بنتى مش بتقبل هزارهم مش بتقبل غلطهم ولا قادره ادى اكتر من لقمه وحمى وغسيل لكن تعليم مش قادره ابذل اكتر من انى اودى مدارس ومجاميع وشكرا لابتابع ولا بذاكر هما ليهم خال واحد متجوز ومراته رفضتهم خالص وانا اهلى خيرونى انى اربى بنتى لوحدى معرفش ليه ساعتها خدت قرار انى اخدهم معايا لانهم اصلا كانو معايا بس كان ابوهم عايش لكن بعد مامات الوضع اختلف بقيت اب وام لتلات بنات واحده حته منى واتنين ايتام انا عايشه معاهم على معاش جوزى بس احساس التفرقه بينهم مخوفنى اقابل رب كريم وانا مش عادله طيب اعدل ازاى واحساسى لبنتى مختلف احساس ام بخاف عليها لو هى معايا اتاخر برا براحتى لو سيباها معاهم فى البيت اجرى عليهم ومتاخرش يمكن عشان هى صغيره واتيتمت بدرى بضعف معاها
انا مش طلبه غير رايكم