مشكلتي يا جماعه صعبه شويه حتى انها صعبه عليه وعلى كل اللي بحكيله لاني ببساطه بحون جوزي بس والله هو خاني
وخدعني قبل ما انا اخونه ،سافر وكان مفهمني اني يادوبكسنه ولا سنتين بالكتير وحيبعت لي عشان اروح اعيش معاه لكن
اللي حصل انه عدي ١١ سنه ولا بعتلي ولا عبرني خلفتوبقى معايا الولد والبنت واتلخمت بيهم جامد وبعدين اكتشفت
بالصدفه انه متجوز هناك في الغربه وعايش احلى عيشه وانا هنا ولا سائل فيه ولما عرف اني عرفت تقولوا كانت فرصه
وهو مستنيها ولاقيته ولا بينزل ولا بيسأل فيه وهي مكالمه للعيال مره في الاسبوع وبس والمصاريف بقى يبعت يادوب
على الاد ولامه مش ليه وعشت والله وقولت طب انا لواطلقت حعمل ايه وخصوصا ان ابويا وامي متو فين وانا
مليش حد خليني عايشه على الاقل بيصرف على الاولاد بساكتشفت بعد السنين دي اني بحرم نفسي من الكلمه الحلوة
والمعامله الطيبه لغايه ما كنت في يوم عند حماتي عشان اخد منها مصاريف العيال
قابلني ابن خالته جي يسال عن خالته انا اعرفه طبعا بس لاقيته بيسلم عليه وبيعاملني معامله ممكن تكون عاديه لكتير
من الناس بس انا بقيت فرحانه لاني نسيت اني ست اصلا مع دوامه الحياه،ولاقتني بتابع اخباره انا اللي بعمل كده مش هو
تابعت الفيس عنده وبقيت كل يوم ادخل اقرا اللي بينزله وكأنه ليه انا مش لمراته بقيت بعيـ.ط بالساعات حتقولولي
معملتش كده ليه معجوزي حقولكم ان اخر مره جوزي اتكلم فيها وقال انا مبقتش احبها بس انا سايبها على ذمتي عشان
الاولاد ، متخيلين لما واحده ست تسمع كده من جوزها معنديش حيله والله بقيت
انسانه دهيفه وها.شه جدا ،وبقيت بدور على الحنيه مع ابن خالته اللي بأمانه الراجل كل ما يشوفني يعاملني احلى من
الاول وبقى حاسس مني بحاجه بس لا كلمني ولا كلمته لغايهما لاقيته باعتلي رساله على الخاص بيسال فيها عني انا
شوفتها ومردتش ولغايه دلوقتي مردتش ومش حرد لاني كده حتبقى حيانه رسمي وانا بخاف من ربنا قولولي اعمل ايه بالله عليكم بدون تجريح