جوزي مسافر بقاله ست شهور بيشتغل بره .. بطاقتي خلصت رحت اجددها لقيت انه مطلقني من سبع شهور و انا معرفش اي حاجه عن الموضوع دا ولا اعرف انه مطلقني و كنا بنتكلم كل يوم بالساعات و فيديو و صوت و صور و بيقولي وحشتيني و كل دا و بعدين من تلت شهور بطل يكلمني وبقي يكلمني مره في الاسبوع و يبقي مش طايق نفسه فيها و بيرد شات بالعافيه و حاسه انه اتجوز هناك و انا احساسي مش بيخيب والله بقالي تلت اسابيع مش بكلمه ولا ببعتله و هو مش بيعبرني و بعت ازيك مره و امه و ابوه بيعاملوني عادي جدا و رحت جددت البطاقه بقي و عرفت .. يعني دا جزائي اني بقعد لوحدي بالشهور و السنين و هو مسافر بره بحكم شغله مع انه ممكن يشتغله هنا عادي و بمرتب اعلي!و انا اهلي متوفيين مليش حد اقعد معاه؟ ولا جزائي اني مستحملاه خمس سنين و هو مش بيخلف عشان بحبه؟؟ دا ايه بجد طبيعي بيحصل!! انا عمري ما تخيلت ان دا ممكن يحصل
انا قلبي اتكسر و واجعني اوي اقسم بالله مش قادره استحمل اي حاجه انا عايزه اواجهه اعمل ايه مش عارفه اعمل ايه ولا اروح لحماتي ما اكيد عارفه مش عارفه اعمل ايه انا جوايا نار مش هتطفي اقسم بالله عايزه اوديه في دا٧هيه .. سبع شهور في الحرا٧٧م ارفع قضيه ؟؟؟، انا عملت ايه عشان يعمل كدا!