أنا كنت متزوجة لمدة 12 سنة وبعدين اتطلقت وللأمانة الغلط علينا إحنا الاتنين أنا جزء وهو جزء. إحنا اتطلقنا من 3 سنين
أنا عايشة الآن في بيتي عادي مع ولادي لأني قلت له مش هطلع من البيت ده حقي وهو عايش مع مامته وباباه. أنا كنت باقية عليه
لكن هو متكلمش معايا إننا نرجع لبعض تاني فحاولت أضغط عليه بإني أمنعه من إنه يشوف ولادي وبرضه مكلمنيش إننا نرجع. بس دلوقت
الأولاد بدأوا يكبروا وقربوا يبقوا رجالة ومبقتش قادرة عليهم. ومن قريب تعبت واحتجت أدخل المستشفى ومحدش وقف جنبي غير طليقي دفع لي فلوس
المستشفى ولما خرجت جاب لي واحدة ترعاني كانت مقيمة معايا لمدة أسبوعين ودفع لها مبلغ كبير لأنها كانت بتبات معايا في الوقت اللي صحباتي القريبين مني اللي
شجعوني على الطلاق ولا حد منهم سأل فيا. إحنا دلوقت بقالنا 3 سنين متطلقين وأنا عايزة أرجع له بس كرامتي متسمحليش أقول له وهو مش عايز يفتح الموضوع مع إنه
لم يتزوج ولسه قاعد عند مامته وباباه. هل عيب إنه أكلمه أنا ولا بلاش ليكون مرتب يتجوز ويحرجني؟