حماتي وضرتي

ياريت تقروا مشكلتي وتحسوا بيه لاني مقهـ.ورة ومش عارفه اتصرف ازاي ،انا زوجه اولى وعندي ولد وبنت وجوزي مسافر
هو خطبني اربع سنين وبعد الجواز الدنيا كانت مزنقه معاه جاتله فرصه سفر وسافر وربنا فتحها عليه ،وبعد اربع سنين
غربه لاقيت واحده قريبتي من نفس بلدنا بتكلمني وبتعرفني ان جوزي اتجوز عليه الغريبه انه متجوز مش في البلد اللي

مسافر فيها لا ده اتجوز واحده من بلدنا ،ومبقاش يسال علينا خالص لا انا ولا العيال ولما اشتكيت لامه قالتلي معلش يا
حبيبتي استحملي واصبري لغايه ما يرجع ونحاسبه على اللي عمله ،لكن اكتشفت لما مسكت مره موبايل حماتي لاقيت عليه

صور ليه هو وهي ومعاهم ولد صغير ده اكيد ابنهم يعني متجوز وكمان مخلف وهم بيصيفوا في العلمين الجديدة ،وانه بيجي لمراته وبيقعد عندها بالشهر وكمان بيخليها تزوره وتسافرله وبيجي كل صيف ياخدها لاحلى مصيف وفلوس ودهب ودنيا ،وانا بيبعتلي عن طريق امه فلوس معدومه متكفيش رغيف حاف ،وانا عايشه مع ابويا لان امي متوفيه وابويا هو اللي بيصرف عليه

،والست اللي عرفتني انه متجوز لاقيتها من يومين بتكلمني وتقولي ان جوزي قال انه مش بيحبني ومش طايقني وياريت انا اطلب الطلاق واللي مانعه انه يطلقني هي امه لانها قريبه امي من بعيد ،انا كنت بسمع

كلامها وبقول مسيره ينزل ويجلنا لكن لا جه ولا اتكلم كل علاقتي بيه انه بيكلم الاولاد فون وهي خمس دقايق وبس اما

مراته التانيه ليها كل حاجه وده انا شوفته بعنيه لما مسكت مره موبايل حماتي والله واخر روقان قولولي اعمل ايه اطلب الطلاق ولا استنى لما هو فعلا ينزل ويطلقني ولا اعمل ايه عايزه اقهره ذي ما قهرني اعمل ايه