قولتله مانا كنت بزهق وبخاف واقعد لوحدي قالي لا خافي واي علاقتك بيها قولتله خلاص ماشي قالي بس الاول انتي لازم تعرفيلي هي سااكنة فين قولتله خلاص تمام اول ما تيجي هسألها ..
تاني يوم بعد ما جوزي مشي الشغل كالعادة جت حياه ودخلت قولتلها انا حكيت لجوزي عنك وحب يتعرف ع جوزك ونبقي صحاب ردت بتوتر ايه بس انا جوزي مش بيبقي موجود قولتله يوم الاجازة بتاعته قالتلي خلاص هبقي اسأله قولتلها انا عايزاكي تعرفيني ع المكان هنا والسوق فين وكدة قالتلي طيب قومي وقومت وبعد ما خرجت انا وهي
.
وبدأت تعرفني ع المكان طول ما احنا ماشين مكنش ف حد بيقابلنا خالص ولا حتي قطة كنت خايفة وسألتها هو مفيش سكان هنا قالتلي لا محدش بيسكن هنا غير بأذني قولتلها بأذنك ازاي مردتش عليه كملت كلامي وقولتلها انا تعبت و عايزة ارتاح قالتلي تعالي ارجعك بيتك قولتلها لا وديني بيتك احسن ردت ده بيتك اقرب من بيتي
.
قولتلها مش مهم يلا ت كلامي وقالتلي بعد جوزي مبيحبش اجيب حد وهو مش موجود قولتلها يعني ايه قالتلي زي ما سمعتي نرفزتني جدا روحت قولتلها خلاص بدل كدة كل واحد منا ف طريق وسيبتها ومشيت علطول ..
دخلت البيت وانا متعصبة وقعدت ع كنت عايزة اريح شوية ولقيت نفسي نمت وحلمت حلم غريب حلمت ان هي بتاخد بطني و………… يتبع
قصة أرض حياه.