كنت عايزة اتخلص من عيشتي مع اهلي بأي شكل كانوا بيعملوني اسوء معامله وكأني خدامة عندهم
وكنت منتظرة اي عريس يتقلي عشان اتجوز وامشي من عندهم بس مكنش بيتقلي ولو صدف وان اتقلي الموضوع مبيكملش لحد ما جت المرة اللي واحد محترم اتقلي وكان ع قد حاله مفكرتش ف الموضوع كتير لانه مش هيكمل زي اللي قبله بس الغريب انه اول ما شافني وافق عليه وكان مستعجل وحدد هو ومامته ان كتب الكتاب هيبقي الاسبوع الجاي
أهلي ما صدقوا يخلصوا وانا بصراحة كنت عايزة امشي من البيت مطلبش اي حاجة غير شنطة هدومي قولت ربنا كر بعريس ونتيجة صبري فرحت اوووي ومر الاسبوع بسرعة و فستان الفرح وكنت مبسوطة اووي وبعد ما الفرح خلص مشينا حتي مودعتش اهلي.
.
وكنت طول الطريق بفكر ف بيتي الجديد اللي هيبقي ملكي وشكله ايه لحد ما وصلنا كانت منطقة هادية خاالص
وكانت الدنيا ضلمة مفيش غير نور قليل اووي مقدرتش احدد ولا اشوف المكان كويس بس مكنتش شايفة ناس خاالص ولا حتي بيوت قولت يمكن عشان الدنيا ضلمة ولما اصحي الصبح ابقي اشوف .
.
تاني يوم قومت بدري ع صوت خبط الباب قومت وكنت مضايقة ازاي حد يخبط ف الوقت ده فتحت الباب ولقيت ست قدامي سنها يترواح بين التلاتين ل خمسة وتلاتين ابتسمتلي وهي بتقلي طبق متغطي وبتقولي معلش بخبط عليكي ف الوقت ده.
.
انا جارتك الجديدة اسمي حياه وعرفت انكوا لسه جايين امبارح وقولت لازم اجي اباركلوا ده برضو من الاصول عندنا ضحكتها كانت لطيفة بصراحة واخدت منها الطبق وشكرتها ومشيت علطول ،
.
دخلت جوه وفتحت الشباك بس ملقتش اي بيوت جمبنا انا حواليه اراضي زراعية كتير ومش شايفة اي بيوت خالص الهدوء والهوء خلوني انسي اني عايشة ف منطقة لوحدي وكنت مبسوطة بالمنظر اللي قدامي
ونسيت خالص موضوع جارتي ونسيت احكي لجوزي انشغلت بشقتي وعيشتي الجديدة اللي هتعوضني عن كل اللي فات عدي اسبوع والتاني وجوزي نزل عشان يشتغل حسيت فعلا بالزهق والملل والفراغ ملي يومي حتي الفترة اللي جوزي مش بيبقي قاعد فيها طويلة من ٧ الصبح ل ٩ بليل !!
ودعت جوزي الصبح وبعد ما خرج بخمس دقايق لقيت الباب بيخبط استغربت وافتكرته نسي حاجة فتحت بسرعة ولقيت جارتي ظهرت تاني والمرة دي ضيفتها عشان تتدخل وقعدت معايا اتعرفنا ع ب وقالتلي انها متجوزة وجوزها زي جوزي بيخرج من الصبح لبليل ولسه ربنا مرزقهاش بعيال
فضلنا نتكلم والوقت اخدنا لحد ما قبل ميعاد وصول جوزي بخمس دقايق وراحت ت موضوعنا اللي كنا بنتكلم فيه واستأذنت انها تمشي عشان جوزها قرب يجي وقولتلها انها تبقي تعيد الزيارة تاني بما ان حالنا واحد ..
.
وبعد خمس دقايق جوزي جه وحكيتله ع جارتي واستغرب وقالي بس احنا مفيش حد ساكن جمبينا قولتله تصدق نسيت اسألها هي ساكنة فين رد وهو داخل طيب هاتي االفوطة ومتعمليش مع حد .. ضحكت وقولتله ده انا ما صدقت القي حد يسليني ف الصحرا اللي انا عايشة فيها دي ..
.
عدي اسبوع و بجارتي بقت تزيد ونقرب لب اكتر وبقينا نقضي اليوم مع ب وتيجي بعد مشي جوزي بخمس دقايق وقبل رجوعة بخمس دقايق ، وف مرة وهي ماشية من عندي سألتها هو انتي ساكنة فين صح ضحكت وقالتلي هتبقي تعرفي قولتلها طيب لو حبيت اجيلك اجيلك ازاي
.
قالتلي لا متقلقيش انا هبقي اجيلك منها انها مش عايزة تعرفني بيتها وجريت ناحية الشباك عشان اشوفها هتروح فين بس الغريبة اني ملاقتهاش خاالص معقول ف خمس ثواني تكون اختفت بالسرعة دي الباب خبط وبيعلن وصول جوزي رحت افتح وبعد ما دخل قالي انا هسافر بكرة عشان هبيع المحاصيل ف قرية جمبنا
.
روحي اقعدي مع اهلك يومين عقبال ما ارجع قولتله لالا انا مش هروح عند اهلي بصلي بأستغراب وقالي ليه قولتله بص خدني معاك احسن قالي مينفعش عشان مفيش مكان اقعد فيه وبيقضي اليومين ف العربية قولتله خلاص روح ومتقلقش عليه وبعد إصرار وافق يسبني لوحدي
وقبل ما يمشي قالي خلي بالك من نفسك واقفلي ع نفسك قولتله متقلقش عليه وتاني يوم بعد ما سافر جارتي جت تقعد معايا بتقولي انا هبات معاكي انهاردة قولتلها كويس بس جوزك قالتلي لا ما هو سافر استغربت معقول دي صدفة بس فرحت انها هتبقي جمبي واهو حد يسليني وبعد ما اليوم خلص دخلت عشان ا وبليل سمعت دوشة قومت عشان اشوف ف ايه.
قومت عشان اشوف صوت الدوشة وسمعت من المطبخ روحت بسرعة ولقيت … يتبع
قصة أرض حياه.