بعدها كتمنا على الموضوع وقولتله انه يفضل مكمل فى موضوع حنان بنتى لحد مايتلككلها على اى حاجة وانا كمان اتلكك لجوزى على اى شئ واطلق منه ، وبعد كده نتجوز انا وهو ، وبصراحة مكنش فارق معايا اوى موضوع الجواز اد ماكان فارق معايا اللى بنعمله مع بعض، لحد مافى يوم كلمنى وكلم حنان وقالى انه عمل حادثة بالعربية ، جرينا على المستشفى وطبعا من لهفتى عليه بدأت حنان تلاحظ النظرات واللمسات اللى بنا فى الخفا ، نزف دـm كتير واتنقله دـm اكتر كان هو وواحد فى نفس الحادثة ، هدومه كلها كانت مليانة دـm ووشه ، مسحتله كل الدم وسهرت معاه انا وحنان لحد ما قام بالسلامة ، ومن بعدها زى مايكون بدأ يوحشنى اكتر ، وكأن الغريزة فينا زادت بعد الحادثة ، بقيت بنتهز الفرصة اللى حنان فيها فى الجامعة او بايته عند خالتها وكريم بيكون معايا طول الوقت ، لحد مافى يوم حسيت
بتعب شديد، واغمى عليا ، روحت المستشفى وعملوا التحاليل اللازمة ، قالولى انى لازم اتحط فى غرفة عزل لانى عندى الايدز ، انا فى ذهول تام الى الآن من اثر الجملة دى ، وطبعا اول ماعرف هو كمان راح يحلل وطلع عنده نفس الكلام ، الدكتور قاله ممكن يكون ساعة الحادثة العدوى اتنقلت من دـm الشخص اللى نزف جنبك او من اكياس الدم اللى اتنقلتله ، جوزى رجع من السفر على طول وطبعا فهم الموضوع ، من حنان اللى اول ماعرفت بالموضوع بلغته ، وهو نزل فوراً واول حاجة عملها انه جه زارنى علشان يطلقنى وقالى:
= انا مكنش لازم اسافر واتعب علشان واحدة زيك ، انتى تستحقى عقاب ربنا مش عقابي انا
حنان اتبرت مني وجوزى طلقنى وكريم الايدز اتمكن من جسمه ومات وانا دلوقتى بين الحياة والموت ، لانفعتنى شهوة ولانفعتنى انانيتى ، كل اللى اتبقالى عمل ردئ بتحاسب عليه فى الدنيا ، ولسه الحساب فى الآخرة عظيم
لله الأمر من قبل ومن بعد
تمت
