دخلت الحمام انهاردة الصبح لقيت تليفون إبني مسنود على الحوض بتاع الحمام وهدومه مرمية بعشوائية على أرضية الحمام, وهو مكانش موجود من الأساس, .
استغربت جدا من المنظر ودخلت على أوضته أدور عليه بس مكانش موجود, دورت في البيت كله بس إبني مالوش أي أثر إطلاقا, معرفش ليه بدأت أحس بتوتر شديد, لو كان خارج أكيد كان هيقولي, ولو هيخرج استحالة ثم استحالة يسيب الموبايل بتاعه كدا ويخرج من غيره..
close
دخلت الحمام مرة تانية وبدأت أفتش في هدومه مفيش أي حاجة, بصيت على الموبايل وأول ما فتحته اتصدمت, فيلم إباحي شغال قدام عنيا,.
X
جسمي كله اتنفض ورميت الموبايل على الأرض وقعدت أتنفض مكاني, المشهد كان بشع, مُخيف, واني أتخيل إن إبني هو اللي كان بيتفرج على حاجة زي دي فده شيء مُرعب, ابني اللي دايما بوصيه بالصلاة والقُرب من ربنا يروح للمستنقع ده, ازاي وليه..