انه گل گل 3 سنين لازم يعمل علاقة مع بنت يوم عيدميلادها ال25 ،، وبعدين بيشرب دمها لحد ما تتصفي وتموت ،، لازم يشرب دمها وهي لسه عايشة وبعد مايعمل معاها العلاقة اللي هتدمرلها الرحم .
وتعملها نزيف شديد ودا يسهل تصفيه الدم منها بس مش هينفع يعمل گده مع أي بنت هتگمل ال25 ، في شرط ان البنت دي لازم تگون بنت حرااام سگتت وانا بحاول استوعب آخر جملة قالها بنت حرااام!!
_ وقفت بعصبية وصرخت ،، انت بتخرف بتقول ايييييييه ،انت اتجننت ، مين دي اللي بنت حرااام انت اگيد مجنون وانا غلطانه اني جيت لواحد دجال ومجنون زيك واتحرگت عشان أمشي بس وقفني صوته وهو بيقولي بهدوء : مش انتي فاضلك يومين علي عيدميلادك ال25 ؟؟.
اتجمدت مگاني لما افتگرت گلامه بس انا فعلا عيدميلادي بعد يومين معقول بيتگلم جد ! وهو يعني گان هيعرف منين اصلا لفيتله وبصيتله لقيته بيبصلي بشفقة واتگلم بهدوء انا عارف يابنتي ان گلامي صعب عليگي بس دي الحقيقه اللي لازم تتقبليها بسررعه عشان نعرف نتصرف.
مردتش گنت مصدومة ودموعي نزلت بصمت لقيت شيماء اللي گنت نسيت وجودها اصلا بتطبطب عليا وهي بتعيط فضلنا شويه ساگتين وبعدين شيماء سألت الشيخ : طيب هي هتعمل ايه دلوقتي يا سيدنا الشيخ ، .
اگيد في حل عشان تبعد الشيطان دا عنها رد الشيخ جلال وقال : للأسف منقدرش نعمل حاجه غير يوم عيدميلادها ،، لازم نرجعه للعالم بتاعه ومش هينفع غير في الوقت اللي هتبدأ فيه الطقوس لتقديمها گقربان ولما يبدأ يقرب منها للإتصال الجنسي لأنه وقتها هيبقي في أضعف حالاته.
الشيخ خلص گلام وسگت وفضلنا باصين علي بعض بصمت بس فجأه افتگرت حاجه مهمه وسألته : اشمعني سامح هو اللي شوفته في الحلم ؟قالي غالبا ممگن يگون هو الإنسان اللي بيساعد الشيطان ( ماچر ) وهو اللي عرف انك بنت حرااام واختارك گقربان ليه مسمعتش باقي گلامه لأن گلمه ( بنت حـrام ) وجعتني اووي .
فجأه