ألو، الحقني يا عماد في حد معايا في الشقة مش عارفة جيه منين وأنا لوحدي.
close
-حد مين ؟
-معرفش، ألحقني أنا محبوسة في الأوضة، وخايفة ليخلص عليا.
-أنتي كويسة ؟
X
سمعت صوت تشويش وحاجة بتتكسر، والمكالمة فصلت، اللي كانت بتكلمني دي “سلمى” مراتي اللي لسه متجوزها بعد معارضة كبيرة من أهلي، الساعة دلوقتي 11 بليل،
وهي لوحدها في البيت، ركبت عربيتي بسرعة واتحركت على بيتي… طول منا في الطريق كنت هتجنن عمال اتصل بيها لكن تليفونها مقفول، كلمت البواب مبيردش عليا، ومش معايا رقم حد من الجيران… وصلت للبيت بعد نص ساعة، طلعت جاري على الشقة، حطيت المفتاح في الباب ودخلت، بصيت حواليا بحذر، وندهت عليها:
-سلمى ؟ أنتي فين ؟