السلام عليكم
عندي اختي عندها ٥٥ سنه وجوزها ٦٣ وهما متجوزين من ٣٠ سنه وعندهم ٢ ولاد وبنت واحده منهم واحد بس اللي اتجوز
حياتهم كانت عاديه ومشاكل زي كل البيوت حتى لو كانت زياده شوية بسبب عصبية جوزها بس كانت ماشيه دلوقتي جوزها طلع معاش وبعد طلوعه على المعاش زادت عصبيته اوي فوق المحتمل لحد ما جاتله جلطه في المخ اقعدته تماما وبقى ملازم السرير ومش بيخرج من اوضته الا قليل اوي
المشكلة ان اختي وعياله بشوف معاملتهم له في مرضه وحشه اوي ويسبوه لوحده طول الوقت وزي ما يكونوا بينت قموا منه لدرجة انهم بيسالوني عن دار رعاية طبيه للمسنين وعاوزني اشوف لهم حاجه رخصيه بحكم اني بشتغل في مجال الشؤون الاجتماعية لانهم بيقولو تعبوا من خدمته والشيل والحط فيه كل شوية
انا عارفه انه كان ييزعق معاهم كتير وحناقات بس مكنش حارمهم من حاجه ولحد دلوقتي عايشن في خيره ومش عارفه ليه القسوة ديه منها هي وعيالها على واحد يعتبر عاجز وقضى عمره كله شقيان عليهم وعلمهم احسن تعليم وموفر لهم كل حاجه ولما اجي الومها تقولي …
