فجأة لقيت الشاب اللي كان بيعاكسني واقف مرعوب
وعرقان وبيبص عليهم مره وعليا مره ..وراح رافع إيده وضربني على وشي وصرخ انتي طالق طالق طالق ..
وراح ماشي وهو بيمثل إنه متعصب وعدي من جنب الأمن ومن قدام الناس كلها وطلع برا المول .
وانا واقفه ومذهوله وعماله اعيط من وجع القلم
واقول طالق ! طب طالق ازاي ؟؟
وانا بقصد اني طالق ازاي وانا اول مره اشوفك !
لكن اكتشفت إن الناس فاهمين اني مصدومه
وإن جوزي طلقني
وابتدت ستات تيجي ناحيتي وتواسيني
وتقولي حـrام عليكي عصبتيه ليه بس؟؟
ويشاوروا على اخواتي الصغيرين ويقولولي طيب هتروحي فين بالعيال دي دلوقت ..؟
بعد الموقف ده كنت هموت من الضحك وهموت واعرف
جاب الفكره دي منين بس رجعت وافتكرت انه محامي
حسبي الله ونعم الوكيل البنات تروح المول يشوفها شاب صدفه ويحبها ويروح يخطبها
وانا اروح مول ارجع مضروبه ومطلقه ..
لا ومعايا عيال كمان .