رواية وجع الروح (متكامله جميع الفصول)

انتي طالق ياا سلمي طالق

كنت بعمل الاكل في المطبخ لما سمعت الجملة دي ، الماية السخنة وقعت علي ايدي وانهارت في العياط

جري عليا من الخضة وقومني وقعدني علي الكنبة

زقيته بعيد مسحت دموعي وقولت : كنت عارفة انك هتعمل كدة بس مش دلوقتي بصيت بقهر : ليه دلوقتي انا مش جاهزة

بص بتعجب : مش جاهزة ! وهي دي محتاجة تجهزيلها ازاي ان شاء الله

– انهارت تاني في العياط كان بيبصلي بشفقة

قومت من مكاني وقولت : تمام يا عمر بس هفكرك انك هتندم بعدين مش دلوقتي عشان انا اتنازلت عن كل حاجة عشانك وكنت عارفة انه اليوم ده هيجي هيجي بس مش بالسرعة دي

كان في مراية جمبي بصيت فيها وانا بتأمل ملامحي السمرة وحواجبي العريضة وشفايفي المشققة وحبوبي الملاية وشي وشعري المجعد بصيت لجسمي لقيت العلامة الي رجعتني لسنين ورا لما اتسلعت وانا في المطبخ