رواية بنت المنياوي كامله

وهو جوه كان في شباب راكبين موتوسيكلات race بيسافروا علي الطريق ووقفوا في البنزينه عشان يفولوا شافوا نورسين نايمه والبورنس مفتوح من الصدر راح كل واحد شاور للتاني عشان يبصوا عليها

واحد من الشباب : بنت ليل دي

التاني : مش عارف

التالت : باينه هو في حد يمشي ببورنس في الشارع غير لما تكون كده

التاني : تيجي نصحيها

الشاب : هي عجباني بس المكان فين وباين عليها مع واحد

التاني : في فندق علي الطريق وبعدين لما هندفع اكتر هتسيبه اصلها عجباني

الشاب: ( غمز لصاحبه ) طيب صحيها

الشاب خبط علي ازاز العربيه بضوافره

نورسين اتعدلت وضمت البورنس بأيديها وقفلت صدرها

راحت بتبص جنبها مالقيتش هشام

بصت شمال ويمين مش موجود

الشاب : ماتفتحي الازاز ده عشان نشوفك كويس ونشوف جمال جسمك يامزه

نورسين : ( بتوتر وخوف ) انتوا .. انتوا عايزين ايه ؟

الشاب : عايزينك وماتقلقيش هندفع اكتر نورسين : تدفع اي .. انت اتجننت

نورسين كان الازاز مقفول بس بقت تنادي علي هشام

نورسين : ياهشاااااام .. ياهشااااااااام

(بس هو طبعا ماسمعهاش )

الشاب : اي يامزه ده هو هشام هيدفع كام يعني قولي تمنك وهندفع اكتر

نورسين : انت قليل الادب وسافل

نورسين بقت تزمر بالعربيه عشان هشام يسمع وييجي واول ما سمع صوت الزماره بتاعت العربيه جري بسرعه وساب الحاجه اللي في ايده ورماها في الارض وجرى بسرعه لقى الشباب واقفين حوالين العربيه بتاعته طلع يجرى ومن غير اي كلمه مسك اول شاب قابله اداله بونيه في وشه وقعه في الارض

الشاب التاني : احنا .. احنا مش عايزين حاجه احنا كنا بنسألها علي سعرها مش اكتر

هشام اول ما سمع كده الدم غلي في عروقه اكتر راحت ريأكشنات وشه كلها اتغيرت والغيظ بقي واكل قلبه لما سمع الكلمه دي منه وقرب منه وبقي يضرب فيه وقعه في الارض زي ما يكون بيطلع كل غيظه وكرهه فيه

نورسين نزلت بسرعه من العربيه

نورسين : سيبه ياهشام خلاص هيموت في ايدك ياهشام

( بصوت عالي ) سييييبوه

بس هشام مكانش سامع حتي هي بتقول ايه

راح الشاب التاني قام بسرعه وطلع المطواه من معاه وضرب هشام في كتفه جامد جدا ودخل السكينه في كتفه نورسين : ( بصريخ ) هشاااااام

هشام وقف وحاول يشيل المطواه من كتفه

الشاب اخد الولد اللي هشام كان بيضربوه وركبوه الموتوسيكلات بتاعتهم وطلعوا يجروا

نورسين جريت علي هشام

نورسين : انت .. انت كويس

هشام شال المطواه من كتفه ورماها في الارض

وهو ابتدي يتعب

وطلع علي العربيه نورسين جت تقرب منه

هشام : اوعي ابعدي عني

وبعدها طلع العربيه ورجع يسوق تاني وهو اصلا مش قادر يحرك كتفه

نورسين ركبت جنبه بسرعه وقفلت الباب وهشام بقي بيسوق بأيد واحده

نورسين : سيبني اسوق مكانك ياهشام

هشام : لاء

نورسين : طيب علي الاقل اقف اربطلك الجرح اللي في كتفك بأي حاجه مش هينفع تفضل تنزف كده

هشام: ( بصلها بصه غيظ ) قولت لاء مابتفهميش

نورسين : طيب .. خلاص اللي يريحك

هشام فضل سايق ونورسين كل شويه تبص عليه خايفه لا يجراله حاجه الدم عمال ينزل من كتفه واكيد هيغمي عليه لو مربطهوش علي الاقل وبعدها بشويه هشام ابتدي يغمض عنيه وهو سايق

نورسين : سيبني اسوق بدالك احنا كده هنعمل حادثه

هشام فاق لنفسه وابتدى يفتح عنيه لحد ما بيبص لقى فندق علي الطريق راح وقف العربيه

هشام : ( وهو بيفتح عنيه بالعافيه وبيحاول يتماسك )

هشام : انزلي

نورسين نزلت بسرعه من العربيه وهي حافيه وبالبورنس ومشيت وراه

هشام (طلع الفيزا كارد بتاعته ):

هشام: عايز اوضه لمده يوم

بتاع الريسيبشن بص كده لنورسين وهي لابسه البورنس راحت نورسين اتحرجت ورجعت شعرها ورا ودنها وبصت في الارض

صاحب الفندق: ممكن اشوف قسيمه الجواز

هشام : ( بغضب) دي مش مراتي

صاحب الفندق: اسف ماقدرش اني أأجر لحضراتكم اوضه في الفندق

هشام طلع فلوس كاش كتير ورماها في وشه

هشام : هااا .. وكده هتقدر

عامل الريسيبشن : اي ده كله يافندم

هشام مسك الجرح بأيديه

هشام : انجز

عامل الريسيبشن: احنا تحت امرك يافندم اتفضل .. اتفضل

هشام دخل الاوضه هو ونورسين واول حاجه عملها وقف قدام المرايه وقلع التي شيرت بتاعه بالعافيه مش قادر يحرك دراعه ويرفعه

نورسين مدت ايدها بسرعه وحاولت توقف الدم

وهي بتمد ايدها

نورسين : سيبني اساعدك

هشام مسك ايدها وضغط علي ايديها

هشام : ابعدي اوعي تلمسيني مره تانيه انتي فاهمه

ما تحاوليش تمثلي انك خايفه عليا

مابقاش يدخل عليا الكلام ده خلاص

عشان مش لايق عليكي دور الطيبه البريئه

هشام ساب ايديها ودخل الحمام عشان يوقف النزيف بس وهو باصص في المرايه جاتله دوخه من كتر الدم اللي نزل ومبقاش قادر يقف ووقع وقعد في الارض

نورسين كانت مستنياه بره ولاقيته اتاخر في الحمام قلقلت عليه عشان اتأخر جوه راحت علي الحمام وبقت تخبط عليه نورسين : ( وهي بتخبط علي الباب) هشاااام .. هشااام

هشام حاول يمسك في الحوض عشان يقف واخيرا قام وفتح الباب واول ما فتح الباب راح لقى نورسين في وشه راح واقع في حضنها واترمى عليها

نورسين سندته بسرعه وهو بقي ساند عليها لحد ما نيمته

نورسين : انا هخرج بره وهاجي حالا

هشام : اوعي تخرجي

عايزه تهربي عشان مش الاقيكي تاني .. انتي عارفه انا متعود علي كده ولا نسيتي

نورسين اتنهدت وهزت راسها يمين وشمال

نورسين : لاء مانستش

وراحت بقت تدور في الحمام علي اي شاش او قطن لحد ما لاقيت وجابته بسرعه

وجت تحط الشاش عليه

هشام : قولتلك ابعدي .. هاتي ( واخد نفسه ) هاتي القطن والشاش وانا هعرف اعالج نفسي زي كل مره لوحدي

نورسين : بس انا دلوقتي معاك وانت مش لوحدك ياهشام

علي الاقل خليني انضفلك الجرح ياهشام

راح بصلها وخلاها تنضفله الجرح اخيرا

وبعد ما نضفتله الجرح غطته وسابته عشان يرتاح شويه ونامت هي علي الكرسي وراحت في النوم وبعدها بشويه سمعت صوت هشام وهو بيترعش جريت عليه بسرعه وحست عليه لاقيته سقعان جدا اخدت الغطا بتاعها وغطته بي وقعدت جنبه علي السرير هشام فتح عنيه واول ما شافها جنبه بحركه لا اراديه منه قرب لحضنها وغمض عنيه

ونورسين بصتله وابتسمت

نورسين : ( في نفسها ) مش هسيبك المره دي ياهشام

مش هعمل زي اللي حصل قبل كده واسيبك

نورسين قربت منه اوي وبقت تحط صوابعها ما بين خصل شعره وبقت تلمس شعره بكل حنيه وراحت نامت جنبه واتغطت معاه واخدته في حضنها .

نورسين : ( في نفسها ) ياريتك تعرف قد اي انا بحبك ❤️وباسته من خده وغمضت عنيها وبقت تفتكر اللي كان بيحصل ما بينهم زمان بس الفرق ان هو اللي كان بيهتم بيها ويراعيها

المشهد ده فوق الروعه عشان كده انا عملته فيديو هتلاقوه علي البيدج الاصليه حكآآيآت مآآهي اتمني يعجبكم