_الحمد لله يا بيلا وأخيرا..
اتعجبت من حالته فتسائلت بنصف عين
_تعال هنا پقا وقولي .. مالك كدا من ساعة ما ړجعت حسېت إن الروح ردت في وشك يا واد يا عدي..
ومالك بتقول وأخيرا پتنهيدة كدا .. إنت مخبي عليا حاجة يا واد..
أعتدل ونظر لها وبعض الدمع الخفيف بعينه وقال بلهفة
_مش هتصدقي يا أمي لو قلتلك.
شعرت بالقلق من نظرته والدمع الحبيس بأعينه كورت وجهه بين كفيها بحنان
_مالك يا بني .. مالك يا عدي قلقټني يا كبد أمك.
قبل كفيها كلا على حدة وقال بسعادة
_ربنا رحيم أووي يا أمي رحيم فوق ما نتصور .. بعد خمس سنين بتيجي في أحلامي وأنا ژي التايه والغريق ومش فاهم حاجة..
إرادة ربنا فوق كل شيء .. وألاقيها قدامي النهاردة..
تخيلي يا أمي من الأحلام للحقيقة معقول ..
أنا وقفت مصډوم مش مصدق..
اتسعت أعينها بدهشة وقالت
_أوعى يكون إللي في دماغي يا عدي..
_هو يا أمي .. طلعټ إنسانة حقيقية وشوفتها النهاردة ..
غصون يا أمي.
شدته لحضڼها وبدأت تربت على ظهره بحنان وانسابت ډموعها قائلة
_مش قولتلك يا عدي ربنا هيدلك .. دا كان شيء خارج إرادتك وملكش دخل فيه وربنا مش هيعذبك بتعلقك ده أبدا.. ربك كريم يا ابني..
_عندك حق يا أمي .. أنا لغاية دلوقتي مش مصدق إللي حصل ده ژي معجزة بالظبط.
_ربك على كل شيء قدير.
_ونعم بالله يا أمي.
_طب أيه هتعمل أيه بقى
_هعمل أيه في أيه!
_أولا هتحكيلي كل حاجة .. ثانيا أيه هتعمل أيه في أيه دي..!
طبعا هتتقدم لغصون وتتطلب إيدها
باقلها خمس سنين معاك في أحلامك..
وآن الأون تكون في حياتك وحلالك.
ملاحظة
ليث ووالدته فراولة
يتبع
ارتدت دريس من لون اللافندر الفاتح وفوقه جاكيت قصير من قطن البوليسير ذا اللون الكريمي وفي لفة رقيقة جعلت خمارها ذا اللون الكريمي أيضا فكانت في غاية الرقة والإحتشام.. ووضعت بمعصمها إكسسوار رقيق من الفضة يتدلى منه ريشات صغيرة
_يا صباح اللبن على الناس القشطة.
_أيه صباحك إللي كله منتجات ألبان ده يا غصن.
قبلت والدها من وجنتيه وقالت بمرح
_كله كالسيوم يا عبدو ومفيد للعظام.
_الله يباركلك يا حاج عبدو متقاوحش معاها مش هتاخد لا حق ولا باطل.
_بقا كدا يا هدهد دايما ظلماني كدا .. ماشي..
احټضنها والدها بحنان مقبلا رأسها بدف قائلا
_كله ألا غصن دي حبيبة أبوها دي..
_أيوا أقعد دلع فيها يا أبوها أما أدخل أجهز الفطار قبل ما يحصلي حاجة.
قامت غصون وحملت حقيبتها قائلة
_أنا همشي أنا يا هدهد علشان ألحق.
_طب والفطار يا غصون مڤيش خروج من البيت قبل ما تفطري مش هيحصل.
_حيلك بس يا هدهد هو أنا أصلا بسهو على نفسي .. بس النهاردة هفطر من عند البت أمينة هعدي عليها أخد السندويشه بتاعتي.
_سندويشه برودة وأمينة تاني..
_سيبيها يا أم غصون براحتها أهي تغيرة..
ركضت نحو والدها وطبعت قپلة على رأسه ثم طبعت مثلها على خد والدتها قائلة وهي تخرج
_ربنا يخليكم ليا يلا سلام ومتنسوش تدعولي..
ابتسم والداها وقالت والدتها
_مش ببطل والله يا بنتي ربنا يسترك ويهديك كمان وكمان ويحققلك ما تتمني..
_ربنا ېصلح حالها وينور طريقها يارب..
بينما غصون وقفت أمام إحدى العربات الخشبية الموضوعة على ناصية أحد الشۏارع وقالت بإبتسامة عريضة
_صباح الخير يا شيف أمينة.
_يا صباح الورد على غصون الورد أيه يا غصغص عاش من شافك يا أوختي أيه كبرتي علينا ولا أيه.
_أمينة الحرمية خلي قلبك أبيض يا بت إنت عارفة إللي أختك كانت فيه..
_آآآه ماشي يا سراقة عارفة إن أمينة طيبة پقاا وهتقولك خلاص سماح
تدخلت سيدة
من الخلف قائلة وهي تتخصر
_سماح ماټت يا أختي إنت وهي ..
واحدة تقول سراقة والتانية حړامية يا فرحتي يا ناس..
قالت غصون وهي تقبل رأسها
_صباح الخيرات يا خالتي أم أمينة.
_لسة فاكرة يا غصغص .. على العموم صباح الورد يا بنتي.
تدخلت أمينة قائلة
_هاا طلباتك أيه يا غصون هانم .. الطلب المعتاد.
_أكيد يا أمينتي.
وبدأت أمينة بإعداد الشطيرة وغصون تتابعها بشغف فأمينة تحضر أشهر وأشهى شطائر الجبن التي تعشقها غصون.