وهشام نزل من عند منى وكان مضايق وقال منى ست حلوه وجميله وتعبت مع الراجل ده وبتعانى زى زيها بس مش هقدر اققرب منها حاسس انى هظلمها معايا أنا لسه جرحى صاحى ومعرفش مكان ليلى فين ؟؟
هشام قال انا هروح البيت أحاول ارتاح ويمكن ليلى تتصل وع أمل أن ليلى تتصل بيه علشان يساومها ع الأولاد
واول ما دخل شقته قعد ع كرسى الانتريه بهدومه وعمال يفكر فى ليلى وبقالها اسبوعين واكتر متكلمتش ومش عارف يعمل ايه ؟ وقعد يفكر فى منى طليقه ياسر ويفكر ويفكر وراح فالنوم خالص وهو ع كرسى الانتريه وفجأه لاقى اخوه عصام بيصحيه وبيقولوا هشام اصحى بسرعه
هشام: هه هه فى ايه ؟؟ اه انت معاك مفتاح انا نسيت وكويس فى نفس الوقت 😂 سبنى انام
عصام: قوم تنام ايه فى خبر علشانك
هشام: فى ايه قول
عصام: امانى كلمتك كذا مره وانت مردتش
هشام: بص فالتليفون وقال اه تصدق وكمان فى رقم غريب
عصام: اه الرقم الغريب ده رقم المستشفى اللى فيها ليلى وياسر اصلهم عملوا حادثه جامده
وكل اللى فهمته من امانى أن حد من المستشفى كلمها علشان توصلك ليهم علشان كلموك كتير
هشام: قام وقال لعصام طيب يلا بسرعه ع المستشفى
عصام: طيب كلم امانى افهم منها
هشام: فالسكه انت عارف مستشفى ايه ؟؟
عصام: اه امانى قالتالى