كيان بكسوف:ايوه بجد بس لسه شهور العده مش هينفع نتخطب دلوقت أو يكون فى بينا حاجه
حازم:استناكى العمر كله ياكيان
ابتسمت واستأذنت منه وطلعنا سوا كل واحد دخل مكتبه
*بعد مرور شهور العده*
كنا انا وحازم اتخطبنا وكان بصراحه شخص كويس جدا كنت خايفه يطلع مريض زى ليل لكن مكنش ظاهر اى حاجه تدل على كده…
كنت فى يوم فى بيتى بروق الشقه وبكنسها بصيت ورايا لكن اتفاجأت لما شوفته…
كنت فى يوم فى بيتى بروق الشقه وبكنسها بصيت ورايا لكن اتفاجأت لما شوفته…كان هو
كيان بصدم#مه:ليل؟؟!!!!
كان واقف ساند على التسريحه بإيده وباصصلى
كيان:انت…انت طلعت امتى ميعاد خروجك لسه بدرى عليه
ليل:طلعت عشان بقيت كويس اى مكنتيش عاوزانى اطلع
كيان وهى بتزيح شعرها من على جبهتها:لا طبعا مش قصدى بس أستغربت
قرب منى وانا كنت برجع ل ورا بخوف منه
ليل:متخافيش مش هضربك
مسك ايديا وشدنى نحيته:وحشتينى انا عارف انى غلطت زمان و…اى ده دبله مين دى؟
سحبت ايدى بتوتر:دى…احم انا انا اتخطبت
ليل بصدم#مه: وحياه امك…اتخطبتى امتى وازاى
كيان:ازاى اى انا وانت اطلقنا خلاص
ليل:انا مش مصدق انتى ازاى كده انتى كان المفروض تستنينى اومال ساعدتينى ليي مادام هتسيبينى انا مش فاهمك بجدد
كيان:ليل انا..
ليل:هششش اسكتى مش عايز اسمع صوتك انتى بشعه
كيان بعياط:انت اذيتنى كتير عاوزنى افضل معاك ازاى
ليل:انتى ساعدتينى لى من الاول مادام هتسيبينى للابد
كيان:ليل انت اذيتنى وانا مش هقدر استحمل ده
ليل:انتى خاسه كده لى؟؟
كيان:عشان عشان تعبانه وبتعالج
ليل:من اى
كيان:فى اللتهاب فى المعده ودلوقت وقفت علاج لانى بقيت كويسه بس وزنى ثبت على كده
ليل:عموما الف سلامه انا ماشى
كيان بعياط:ليل
بصلى بحزن وسابنى ومشا…سبت اللى فى ايدى ولبست واتصلت على حازم قولتله يقابلنى
بعد شويه كنت فى كافيه قاعده قصاد حازم
حازم:ها ياحبيبتي كنتى عاوزانى لى
كيان:حازم انت عارف انى عمرى مااقصد اجرحك مش كده
حازم:ايوه اى علاقه ده باللى عاوزانى فيه؟
كيان:حازم انا بكل حزن بقولك انى مش هقدر اكمل معاك
حازم:اى؟لى انا عملت حاجه زعلتك
كيان:لا ابدا انت شخص كويس واى واحده تتمناك بس ارجوك افهمنى انا لسه بحب طليقى للاسف وبدون دخول فى تفاصيل هو خرج من المستشفى لانه كان تعبان
حازم: يعنى انتى عايزه تقولي انك قررتى تنفصلى مش كده؟
كيان: للاسف اه انا اسفه ليك وبعتذرلك انا حاولت احبك لكن مقدرش احب اتنين فى نفس الوقت كمان مقدرش اتجوزك وانا لسه فى قلبى لو ذرة حب لشخص تانى انا اسفه يا حازم
حازم:تمام ياكيان اللى تشوفيه وفيه راحتك اعمليه
كيان:انت شخص جميل ياحازم وان شاء الله ربنا يرزقك باللى تستاهلك
خلعت الدبله وانا بستأذنه ومشيت بعد ما اديتهاله
رجعت البيت وانا مش عارفه هل اللى عملته صح ولا لا بس اعتقد ده الصح…بليل سمعت صوت الجرس بيرن لبست طرحه وفتحت كان ليل
ليل:بعتذرلك انى جيت تانى بس انا عاوز هدومى
كيان: اتفضل ادخل انا اساسا همشى من هنا مادام انت خرجت
ليل:لا انا هعيش مع ماما وانتى اقعدى هنا كده كده مش هحتاج الشقه
كيان:تمام ادخل
دخل الاوضه وفتح الدولاب وانا كنت واقفه بره بتوتر بعدين دخلت وراه
كيان:ليل ممكن نتكلم
ليل وهو مدينى ضهره:مفيش كلام بينا كل حاجه انتهت خلاص
شديته من كتفه خليته يبصلى:لا مفيش حاجه انتهت اسمع بقااا احنا هنتكلم دلوقت يعنى هنتكلم
ليل:عاوزه تقولى اى مش ارتبطى والحوار خلص
كيان:انا فشكلت النهارده مقدرتش احب حد غيرك صدقنى
ليل:انا عارف انى اذيتك لكن والله العظيم ما كنت اقصد اعمل كده
كيان بدموع:منه لله بباك هو سبب كل دههه
ليل:هشش اهدى بطلى عياط
كيان بعياط:عايزنى اعمل اى بعد اللى حصلى فى حياتى انا حبيتك بجد واللى انت عملته فيا مكنش قليل
شدنى لحضنه جامد.. ليل:حقك عليا يانور عيني والله انا اسف اسف والله العظيم انا عمرى مااقصد اجرحك ابدا لكن انا فهمت فعلا انى كنت مريض نفسى وانتى كان عندك حق بس انا مكنتش فاهم ده
رفعت راسى وبصيتله:انا معرفتش اعيش من بعدك والله عمرك ماغيبت عن تفكيرى ليله واحده اقولك على حاجه كنت بحضن التيشيرت بتاعك واعيط لانى والله بحبك
ليل:خلاص بالله عليكى بطلى عياط
كيان: ليل سيبنى مينفعش تحضنى كده حرام
سابنى وبعد عنى:كيان
كيان: نعم
ليل:ترجعيلى
كيان:م..
ليل:اوعدك عمرى ماهضربك ولا همد ايدى عليكى ابدا ولا هحبسك ده كان تصرفات واحد متخلف
كيان:انت وعدتنى
ليل:وعد
كيان:موافقه
ليل:هنروح عند المأذون حالا وهرجعك ليا
ابتسمت ودخلت اللبس وروحنا للمأذون فعلا وبقيت على ذمته
روحنا البيت وهو بصلى وحضنى جامد وانا مسكت فى التيشيرت بتاعه بقوه وانا بعيط
ليل بحنان:بتعيطى لى دلوقت
كيان:عشان انت وحشتنى اوووى
ليل بابتسامة:وانتى وحشتيينى اووى واوى اوى كمان
كيان:عمرك ماهتسيبنى تانى ابدا
ليل بضحك:يبت انتى اللى روحتى اتخطبتى المفروض انا اللى اقول كده