=قولتلك ميت مره مترنش عليا انا الي هرن عليك، اه كله ماشي تمم، تمم خلاص سلام دلوقت
دخلت فجأه وانا لسه واقفه مكاني فخبطت على الباب
_الخشب دا نوعه حلو اوي على فكره ما شاء الله مسترخسوش، اه كنتي بتكلمي منين!
=ها، واحده صاحبتي، انا هنام بقى
دخلت على السرير على طول ونامت وانا مش فاهمه اي الي بيحصل، جابت الراجل على بوزه وانا الي اتدبس فيها
بقي، زمان احمد مش طايقني يعيني و.. اي الي انا لبساه دا!!
غيرت ولبست بيجامه ونمت على عيني اني انام جمبك والله يبنتي وانتي اصلا شكلك لوحده مش سالك مبالك بقى بالنيه
صحيت الصبح ببص جمبي ملقتهاش! ايدا طلع عندها دم ومشيت!!
فتحت شبابيك البلكونه لقيتها بتلعب رياضه في الجنينه دي مش هتاخد الراجل بس دا هتاخد الراجل وابنه وصحتي
نزلت حضرت الفطار وكنت ماسكه طبق ولفيت لقيته في وشي ف حصل اي بقى؟ ايوه صح جدعين وقعته مش محتاجه يعني
_تاني؟ بردو!!
=انا كلمتك!
_بتخضني لي، ربنا قالك تعمل كده يعني؟
=انتي حلال فيكي اي حاجه والله
_انت كده بتغلط فيا خد بالك
=حضرتي الفطار؟
_الي بيغلط في حد مره ممكن بيغلط مرتين
=والي يتجوز مره ممكن يتجوز مرتين
_الفطار جاهز يحبي خمس دقايق وهيبقي على السفره
انا متجوزه واحد قموص جدا لي؟ انا الله يسامحني اصلا على الجوازه دي، كان عقلي فين وانا بختاره، اي دا هو انا اصلا مختارتوش؟ طب تمم
حطيت الاكل على السفره وعمو جمال واحمد قعدوا وهي جت كانت ماسكه فوطه وبتمسح وشها
_صباح الخير
بصوت واطي= هيبقى خير لو سبتينها وربنا
*بتقولي حاجه يمريم!
=اجبلك عيش تاني يعمو؟
كلنا وهما الاتنين مشيوا وفضلت انا وهي في البيت، شيلت الأطباق حطيتها جوا وطلعت اقعد في الجنينه عما احمد يجي، الجنينه حيث الأشجار والازهار والسماء زرقاء وخبتي المايله وكده و.. هي فين!!
دخلت الفله ملقتهاش فضلت ادور عليها لغايه مسمعت صوت في مكتب عمو جمال، مسكت عصايه كانت جمبي ودخلت، حرامي مين الغبي الي جاي يسرقنا الصبح؟ دا أ ب سرقه انك تسوق بليل! حرامي مبتدأ دا ولا اي
دخلت وضربت الي قدامي على طول بالعصايه
_ااااه
وقعت قدامي وانا شهقت ايدا هو انتي!! احيه! ماتت دي ولا اي، بقيتي قتاله قتله يمريم، يشبابك الي راح يمريم يمصيبتك يمريم يختاي يختاي يختاي، هو اي الي جبتها هنا اصلا، هي الي غلطانه انا مليش دعوه
سندها ونايمتها على السرير في أوضه جمبي
وقعدت في اوضتي، هو انا شوفتها ولا اعرفها اصلا؟ انا كلمتها؟ دا الإنسان ظالم والله انا معرفش الا اسمها وحاليا مش فكراه اصلا
فضلت قاعده لغايه ما احمد جه فشديته نحيتي
_ايدا في اي!
=موتها خلصت الناس منها ومن جبروتها
_انتي بتقولي اي؟
=احضرلك الغدا!!
سمعنا عمو جمال بينادي بصوت عالي فجرينا نحيته
*مالها شهندا يمريم بكلمها مش بترد عليا!!
_يمكن خارسه
*مريم!!!
_مهي اكيد نايمه يعمو سيبها نايمه بقى اصل شكلها نومها تقيل
خرجنا من الاوضه وجريت على اوضتي فسمعت صوت جاي من ورايا
_اي في اي!
=عملتي اي في البت يمريم!
_انا كلمتها؟
=يمريم عيب دا انا حافظك
_كنت فكراها جرامي فضربتها بعصايه اغمى عليها هي الي خرعه اعملها اي!!
=ميمشيش معاكي انك الي قادره؟
_والي فاكرني طيب كل سنه وهو طيب
=يبنتي انتي عملتي مصيبه ابويا لو عرف ه..
_وربنا اطفش اسبلكم البيت هو انا ولا هي يعني
=هي
_ربنا يخليك ليا وايييي!!
=متأكده انها عايشه طيب؟
_بقولك عصايه مش سكينه هتفوق ان شاء الله ادعي معايا كده
=نعم؟
_احضرلك الغدا!!
شويه وفاقت وطلعت من الاوضه وهي ماسكه دماغها وكنا احنا كلنا تحت
*مالك يحبيبتي ماسكه دماغك لي؟
بصتلي _ها لا شويه صداع مش اكتر
شاهد أيضًا
ميلت علي أحمد _سحراله اقسملك بالله يمؤمن سحراله
=دي مش محتاجه سحر دي توقع اي حد على طول
ضربته في ايده_ قصدك اي يعني
ضحك= مقصدش وربنا بهزر
هي لي مقالتش انها اضربت على دماغها واني انا الي عملت كده عشان انا الي كنت في البيت! لي بصتلي وهي متأكده ورجعت قالت صداع!
اتغدينا وقعدنا في الصاله كلنا
_انا طالعه اجهز يجمولتي وجايه
=ماشي متتأخريش
_حاضر
=رايح فين يعمو؟
_خارجين شويه
=ايوه فين يعني!
_خارجين شويه
=اه قول عرفت بس مش بعيد المكان دا خلي بالك
نزلت وخدتت الراجل الكبره ومشيوا
_البيت خللنا يجميل
=متهزروش يا احمد دلوقت
_وربنا مبهزر!
=خدتت ابوك ومشيت
_خدتت بالي اه
=ويعالم هيروحوا فين
_وبعدين بقى!!
=انت مش شاغل بالك خالص ان ابوك هيتجوز؟
_..
=انا مش مرتاحه للبت دي يا احمد حساها طمعانه في باباك
_يبنتي بقى! انتي مفيش دم خالص؟
=لا مفيش وابعد بقى
_انا هتجوز تاني انا من يوم مشوفتك وانا حاسس النهايه هتبقى اي
=احمد احمد يعم بقى!
بليل لقيناهم جايين وعمو جمال مكنش على بعضه
_عمو مالك؟
=هه مليش
_افندم!
=الدنيا بمبي
_لا لافندر يحاج، هو ماله يبنتي!
ابتسمت *قالك مفيش
سندته وطلعوا على فوق، مالكم؟
_شربت ابوك حاجه!
=هو لي مش على بعضه فعلا
_هو الاستاذ كان معانا ولا مع الأسف! مهو كان قدامك
=مش كنت مخمود قدامك؟
خرجتوا شربتوا أصفرا وجم يعيني عليك يحمايا والله
طلعنا الاوضه ونمنا انا واحمد وصحينا على صوت صويت، انا بجد هلم حاجتي واروح بيتي يجدعان هو فيه اي؟
جريت انا واحمد على صوت الصويت ووصل لأوضه عمو جمال، دخلنا بسرعه لقينا عمو جمال قاعد على السرير وهي بتعيط
_في اي!!
*انا مكنتش متوقعه منك كده ازاي تعمل فيا كده
_في اي يعمو؟
*انا مكنتش واعي ولا فاكر اني عملت كده والله، احنا كده كده هنتجوز، هنتجوز الليله
_نعم!!!
