خافت نور وفضلت تصوت
جري عليها سليم وحط أيده على بوقها: لو صوتتي هعمل حاجه مش هتعجبك
بعدت عنه وفضلت تعيط: انت عايز مني ايه تاني
سليم: عايزك انتي يا نوران عايزك تكوني ليا
نور: بس انا متجوزة وبحب ريان وارجوك اطلع بره قبل ما يجي عشان ميحصلش مشكله
ضحك سليم بصوت عالي وقعد: مشكله ايه يا نور جوزك اللي بتقولي عليه جوزك فرحه انهاردة على بنت عمه واه كمان عايز اقولك حاجه تاني الورقة اللي مضاكي عليها ملهاش اي تلاتين لازمة انتي مش مراته وهو استغلك عشان ينا”م معا”كي بس مش اكتر انتي سلعة رخيصة عنده، بس انا…
قام قرب منها وعينه بتدمع وكمل كلامه: بس انا بحبك زي ما انتي وفي اي حاله حتى لو هتتعافي بيا من كسره ليكي انا موافق، موافق اكون سند وضهر ليكي
صرخت في وشه وهي بتعيط: انت كداب كداااب ريان عمره ما يعمل فيا كده
اتع-صب سليم ومسكها من دراعها: نام معاكي ولا لا ؟
عيطت اكتر لما افتكرت اللي حصل امبارح ووقعت على الأرض منها-رة
سليم: شوفتي خد اللي هو عايزوا وسابك وراه حتى شوفي
طلع سليم تليفونه وفرجها على ريان وهو واقف جنب بنت عمه والمأذون قاعد
رمت نور التليفون في الأرض وقامت فتحت الباب: اطلع بره…اط برررره
شدها سليم وخرج بيها: لسا مش مصدقاني صح يبقى نروح نباركله سوا
ركبها في عربيه وركب جنبها وهو في الطريق وصلتله رسالة
– يلا دلوتقي بسرعة
ابتسم سليم وزود سرعة لحد ما وصل لبيتهم ونزل وشد نور وراه اللي كان قلبها بيدق وكأن روحها بتتاخد منها
فتح الباب وشافت نور ريان والمأذون بيسأله: موافق يا ابني ؟؟