وبعدين راح اوضته اللي في الدور الأرضي …بصيت علي فستاني البسيط بحزن وقولت:
– حتي في يومي اللي استنيته من زمان باظ…يالا هو حظي كده الحمدلله
……….
مرت الايام وانا وادم عايشين زي الاغراب في البيت …لا هو ييكلمني ولا انا …بس دايما كنت بحسه مستنيها …مستنيها نورهان ….في يوم دخلت اوضتي بالليل وفتحت النور …فجأة صرخت لما شوفت اللي حصل!!!
-فيه ايه …فيه ايه
جه ادم وهو ببخبط ومتوتر …جريت عليه ومسكت ايده وقولت:
-جيت افتح نور اللمبة فرق ..والنور كله فصل شكله حصلت قفلة
-طب اهدي …عادي بتحصل …انتي خايفة من ايه
-اصلي…اصلي بخاف من الضلمة ..
ضحك وقال:
-كل ده عشان النور قطع
اتعصبت وقولت:
-مفروض تحترم مشاعر التانيين اي انسان طبيعي عنده فوبيا
-اسف مش هتريق علي مخاوف حد تاني …انا رايح اشوف عم ماجد يشوف الكهربا مالها …ومتقلقيش الفيلا قديمة فتلاقي الكهربا دايما بتحصل فيها قفلة …
لسه هيمشي …مسكت ايده وقولت :
– رايح فين …متسبنيش هنا …خدني معاك
-حاضر
مسك ايدي وقال :بقلم سولييه نصار
-يالا
حسيت برعشة لما مسك اأيدي وقلبي دق جامد…قولت بصوت عالي شوية :
-يخربيت جمالك هو ده وقته
-سمعتك علي فكرة ..
قالها وهو بيضحك …حطيت ايدي علي بوقي وانا بلعن لساني اللي كاسفني في كل مكان ….
قال ادم لعم ماجد يشوف الكهربا وعقبال ما هو كان بيصلحها جاب ادم كشاف عشان مخافش …..
بعد نص ساعة كان النور جه …اتنفست براحة وقولت :
-الحمدلله .
-للدرجادي بتخافي من الضلمة
قالها بلطف فقولت بسرعة ومن غير تفكير :
-جدا …مقدرش اعيش فيها ..ايه الممتع في الضلمة يعني
وشه اتغير بس مخدتش بالي وكملت
– هو انت يعني مش بتخاف من الضلمة زيي
ابتسم بسخرية وقال :