ورد: ممكن تسبني عشان عايزه انزل
جابر فتح عينه شويه: تنزلي فين علي الصبح كدا
ورد بلعت ليها من قربه منها: ت..تحت في المطبخ اجهز الفطار
جابر غمض عينه تانيه ومبعدش عنها: صباحيه مباركه ي عروسه ولا نسيتي انك عروسه
ورد ابتسمت بسخريه وهمست: عروسه (وكملت بصوت مسموع) طب ممكن تسيبي مش عارفه اتحرك
جابر بعد عنها وكمل نوم.. ورد بصتله ببتسامه معرفتش اي سببها كان اول يوم تنام بالراحه دي..هي طول عمرها تخا.ف من جابر بس اول مره تحس بالامان دا وفجاه اختفت ابتسامتها: انتي بتفكري في اي ي ورد (وغمضت عيونها واتنهدت وقامت دخلت الحمام) اتنهدت وخدت دوش وبعد ما خلصت نسيت انها ملهاش هدوم هنا نفخت بضي.ق: اعمل اي دلوقتي
اتخضت لما سمعت الباب بيخبط: انجزي ي زفت.ه
ورد: حاضر ي جابر بيه
وبصت للهدوم بتاعت جابر افتكرت الي حصل بلليل سابت الهدوم تاني وفضلت بصلها واول ما جابر خبط تاني مسكتهم بسرعه : مفيش حل غير دا دلوقتي
ولبست الهدوم وخرجت بسرعه من الحمام كان جابر مستنيها وقبل ما يدخل بصلها: اسمعيني كويس (وتكلم بغرور) انتي دلوقتي بقيتي مراتي يعني تنسي الحياه الز.فت الي كنتي عيشاها واي حاجه تحصل اهنه متخرجش برا حدود الاوضه دي مفهوووم
ورد حركة راسها بالايجاب: حاضر ي جابر بيه
جابر جز علي سنانه: جابر اسمي جابر وبس وعودي نفسك علي الاسم دا مفهوم
ورد كانت بصه في الارض وتردد وهي بتتكلم: حاضر ي..ي جابر
جابر ابتسم ودخل الحمام وقفل الباب
ورد بتريقه عليه: مفهوم.. اي يعني جابر رشوان بيطير في الجو ولا جاي من الفضاء عمال يتنطط انا جابر رشوان.. انا جابر رش…
ولسه بتلف لقت جابر واقف وراها وساند بجسمه علي باب الحمام كملت بهمس: نهااااراسوووح ي ورد
جابر ضيق عينه: اي سكتي لي كملي كملي
ورد رجعت لورا لما لقته بيقرب منها: انا
جابر كان بيقرب وشايف الخو.ف في عيونها: كملي ي ورد
وفجاه سمعو صوت جاي من تحت ورد انتبهت لصوت كان صوت اختها وابوها لسه هتجري علي باب
سمعت صوت جابر بيز..عق: ووووررررد
لفت ليه لقته بيبصلها بغ.ضب وبيقرب منها ووووو…….
يتبع…