جابر ابتسم وغمزلها: هتعرفي لما نطلع ي وردتي
ورد اتكسفت ودفنت وشها في رقبته وعلي وشها ابتسامه وخدودها الحمرا بسبب الكسوف
ريم دخلت اوضة ناصره بغ.ضب: انتي ازاي ي ماما تروحي تقولي لجابر الكلام دا
ناصره: وانا هاخد اذنك في الي هقوله ولا اي
ريم بصوت عالي: ايوا تاخدي اذني طلما الموضوع يخصني وانا قولتلك من قبل ما يتجوز ان جابر اخويا ودلوقتي مستحيل اوافق عليه حتي لو طلق ورد
ناصره: طول عمرك فقر
جاد بغ.ضب: ريم مش فقر ي ماما مينفعش تطلبي من جابر يطلق مراته ويتجوزها
ناصره بصوت عالي: وه انتو خلاص كبرتو وبقيتو تزعقولي كمان وانا الي خا.يفه علي مصلحتكم
ريم بصت لجاد: الظاهر اني غلط لما جيت انا راجعه القاهره دلوقتي
جاد: ترجعي فين دلوقتي(ريم سبته ومشيت من غير ما ترد عليه جاد بص لمامته بلو.م وخرج وراها)
جاد بصوت عالي: ريمممم ي ريمممم استنيييي
شمس طلعت من الطبخ لما سمعت جاد: في اي
جاد قرب منها بحز.ن: ريم عايزه ترجع القاهره دلوقتي
شمس بستغراب: ازاي يعني انتو بقالكم اسبوع بس (ومشيت اتجاه اوضة ريم)
وقفها جاد: هتعملي اي
شمس بصتله ببتسامه: هتكلم معاها مينفعش تمشي
جاد ابتسم ليها ومشيت شمس: رياااااااااام
ريم اتخضت: يخر.بيتك خضتيني اي الصوت دا
شمس بصت للشنطة هدومها والهدوم الي في ايديها: دا انتي ماشيه بجد بقا
ريم رمت الهدوم في الشنطه: ايوا عشان ماما ترتاح وياريت تشيل الفكره الي في دماغها دي وتفهم انه مينفعش الي بتقوله دا
شمس بهمس: امك طول عمرها وليه ه.بله صراحه
ريم: بتقولي اي
شمس اتكلمت بصوت مسموع: بقول دي مهما تعمل برضو امك ي ريم ومينفعش تمشي كدا ولا جابر ولا الحاج منصور هيوافقو تمشي اصلا
ريم نفخت بض.يق وقعدت علي السرير وراحت شمس جنبها: كلنا عارفين ان تفكير الست ناصره غلط بس دا ميخلكيش تسيبي البيت هو انا اه مغلو.له منها ونفسي حد يسبني عليها معلش يعني بس دي مهما كانت امك وبتحبك..الحمدلله انها في حياتك عشان الحياه من غير الام وحنانها صعبه اوي ي ريم فمهما تعمل اوعي تفكري تسبيها وافضلو اتكلمي معاها يمكن تسمع كلامك مع اني اشك يعني بس جربي