ده تالت محل ادخله ويقلي مافيش شغل اتنهدت بتعب اوي
وخلاص بدأت ايأس واحسها هضلم في وشي
بس فجاه وقعت عيني علي يفطه كبيره مكتوبه عليها مطلوب انسه للعمل اي نعم انا مش هستحمل اقعد في مكان فيه جاتو بس خلاص امري لله
بسرعه دخلت
=السلام عليكم……….
رجل كبير اوي في السن كان ماسك كوبايه الشاي وايده بتترعش
=وووعليكم السلام يابنتي
انا بصتله بسمه وشاورت بإيدي علي ال يافطه اللي برا
=حضرتك كنت كاتب ان عايز انسه للعمل
فضل يهز راسه بأيوا….. ضهره كان منحني وقف وقلي
=جتيلي في معادك انا خلاص كبرت ومابقتش قد الشغل
الحمدلله علي نعمه الحمدلله
انا ابتسمت وقلت وراه =الحمدلله
بس فجاه لقيته بيقلي =اعتبري المحل بتاعك واللي تطلبيه
انا قلت بهدوء =اللي حضرتك تجيبه كويس وان شاء الله هخلي بالي من المحل
ابتسم وبعدين ربط علي كتفي………..
وفعلا استلمت الشغل……. انا مش معايا تليفون علشان
اكلم مكه وافهمها اللي حصل وخيفاها تقلق عليا
ففضلت واقفه قدام المحل مستنياها تيجي علشان انادي عليها
كان واقف بعيد شويه وهيموت من الغيظ لانها وقفه في الشارع والكل بيبص عليها
بس اقتربت منها بنوته صغيره وفضلت تلعب معاها
فجأه تحولت ملامحه من غضب لبسمه
ليصرخ بداخله =طلقه طلقه
كنت قاعده وبقطع في صنيه بسبوسه وبحطها في اطباق بشكل حلو اهو بتسلي…….
واخيرا دخلت زبونه منتقبه عجبني شكلها كنت هموت من الفرحه واختارت تشكيله جاتو……… انا دخلت بسرعه اجيب علبه شكلها حلو من مخزن صغير جوه المحل
وفعلا عملتلها لفه حلوه ولما مشيت اتنهدت بفرحه
ورجعت علشان اقطع البسبوسه مالقتش السكينه
ضربت ايدي براسي انا خلاص دماغي فوتت
________________________
مر اليوم واخيرا شفت مكه…….. بس مافيش مخلوق تاني دخل اشتري من المحل والمفروض دلوقت هسلم المحل لصاحبه
علشان استلم اليوميه
كانت مكه قاعده جنمبي مستنين عم دياب صاحب المحل
وفعلا جه وهو متكا علي عصاته
وقلي ببسمه =تعبتك معايا يابنتي…. وخرج من جيبه
٤٠٠٠جنيه انا فضلت ابص للفلوس وابصله
وبعدين قلتله بصدمه =ده مش كتير انا مابعتش حاجه لكل ده ده مرتب شهر مش يوم
مكه ضربتني في كتفي وهي بتبتسم للراجل بغباء
=هي كده مش وشه نعمه امشي امشي
كانت مكه بتزق في جهاد وفجأه اتصدمت لما شافته قاعد علي القهوه ببرود وحاطط رجل علي رجل وفي تابلت علي رجله دليل انه بيشتغل
مكه فضلت تضحك اوي اوي =انا كده فهمت
جهاد بغضب =فهمتي ايه وبعدين ده كتير
مكه بغباء وهي بتشوح بأديها =وهو دافع حاجه من جيبه امشي امشي
جهاد رفعت حاجبها بإستغراب………….
انا قررت اعزم مكه في مطعم وكمان نخرج مع بعض الصراحه كنت فرحانه اوي بالمبلغ رغم ان مستغرباه
وفعلا دخلنا مطعم كان في نادي بيبص علي النيل وشكله راقي اوي بس اكيد انا كده هصرف الفلوس كلها علي المطعم وانا كنت عايزه اعطي ايجار لمكه
بس نسيت ان ده مرتب يوم واحد فضلت اضحك وشدت ايدها وهي بتصرخ =يامجنونه اكيد مش هناكل هنا
قلت بسعاده =وليه لأ
وبعدين دخلنا وكان المنظر تحفه……. قعدت عشر دقايق
ومافيش جرسون ولاحد جه…
مكه =شكلهم مستنين يجبولنا البواقي اللي في المطبخ
انا بصتلها بغضب =مكه