انا مخطوبه لواحد الناس قالوا كويس

انت سيبت اختي علشان كانت جسمها مليان اشمعنا أخدت دي انتي واحده مهمله اعملي دايت تنزلي ٢٠ كيلو في شهرين انتي لو ماخستيش انا مش هتجوزك وتفضلي على وزن معين قبل وبعد الجواز انا واخدك جبر خاطر المفروض تشكري ربنا اني سيبت البنات كلها وأخدتك انا همشي معاكي ازاي وانا رفيع وانتي مليانه منظري ايه اخواتي يقولوا مش عارف يمشي كلمته

جينا في العفش بقوله نفسي نعمل الأوضه دي قالي انا اختي جوزها جاب العفش وهي اختارت اللون وانا كرم مني وآخرك تختاري اللون بصي ولا تباتي عند اهلك ولا حد ييجي ليكي من قرايبك ومفيش خروج بقوله لما ربنا يكرمنا باطفال هوديهم الدروس قالي لا انا هوديهم بقوله يعني مفيش مره هنخرج سوا قالي ابقى انزلك اخر الليل امشيكي في الشارع قولتله يعني نفسي حتى نروح نادي او نروح مصيف او تعزمني على ايس كريم قالي انا مفيش عندي الكلام ده ولا تباتي عند حد ولا في بيت ابوكي

بقوله نفسي تقولي كلمه حلوه اجبر بخاطري قالي لا انا طبعي كده انا مش فاضي ليكي علشان اقولك كلام حلو قولتله حتى قولي صباح الخير قالي انا طبعي كده عاجبك تعيشي عيشي لو تفكير البنات زي تفكيرك عايزه تتخطب علشان تسمع كلمه حلوة الواحد مش هيتجوز احسن انا مش عارفه اعمل ايه اقسم بالله العظيم انا كويسه معاه ومش بقول غير حاضر علشان ارضيه بس دلوقتي كل كلامه ليا بحسه ليه فضل على انه خطبني انا مش عارفه اعمل ايه انا كنت عايزه حد يحتويني مش عارفه ليه اتغير انصحوني بدون تجىريح