ندمانه

معقول فى ناس الغل و الحقد يوصل بيهم لكدا…..
بصراحه ياجماعه انا ندمانه جدا وضميري مأنبني علي اللي عملته في اخويا ومراته بس خلاص اللي حصل حصل ومش قادرة اتصرف وعايزه حل

مرات اخويا كانت صاحبتي في الجامعة وانا كنت مخطوبه وهي لسه ماحدش اتقدم لها واخويا كان مسافر بره عشان يكون نفسه ولما نزل عشان يحضر فرحي شاف صاحبتي واعجب بيها وانا شجعته انه يتقدم لها وقولتله

 

 

دي صاحبتي 4سنين جامعه وكويسه وفعلا بعد فرحي باسبوع راح اتقدم لها واتخطبوا سنه كان اخويا مسافر فيها وقال لهم الاجازه اللي جايه هتكون شقتي خلصت ونتجوز، وفي مدة الخطوبه كان اي حد نازل من اصحاب اخويا

 

 

كان بيبعت لها هدايا معاه لبس ومكياج وبرفانات وكنا بنشوف بعنينا وعمره مابعتلي اي حاجه خالص ولا حتي

 

جوزي كان بيجيب لي اي حاجه فتره الخطوبه يادوب كان يديني عديه 200جنيه في العيد وبس وكل فلوسه للشقه والعفش، المهم انا وماما قولنا لاخويا كفايه كده بقي ماحدش بيعمل كده مع خطيبته ولو ماحصلش نصيب مش هتاخد الفلوس اللي انت عمال تصرفها عليها دي، وكان بيرد علينا يقول لنا انا بعوضها عن غيابي عشان انا لو موجود كان زماني بخرجها كل شويه واديها مواسم فانا بعوض ده بالهدايا اللي ببعتها ليها كل ما حد من زمايلي

 

يبقي نازل، المهم بقي في الوقت ده جوزي ظهر علي حقيقته بعد الجواز انه بخيل جلده ومش بيهون عليه الجنيه وانا اللي كنت فاكره انه مش بيجبلي حاجه عشان يخلص شقتنا بسرعه ونتجوز اتاريه بخيل ومعفن، وبيستني امي تجبلي اكل ولا زياره عشان هو يطنش ومايرداش يديني مصروف المهم فضلنا كل شويه خناق علي الفلوس ومشاكل مستمره واروح عند اهلي شهر واتنين ويرجع نتصالح تاني لغايت ما اخويا نزل عشان يتجوز واتخانق

 

 

معاه في مره وقاله لو ماصرفتش عليها وجبتلها اللي هي عايزاه وغضبت تاني انا مش هرجعهالك البيت ابدا وهطلقها منك وكويس ان مافيش بنكوا عيال لغايت دلوقت، وبعدين اخويا تمم الجواز علي طول واخد مراته

 

وسافر شهر عسل في شرم الشيخ اتفسحوا 15يوم وكان جايب لها معاه من بره شنطه مليانا شيئ وشويات لبس بيت وخروج وقمصان نوم وبرفانات وكل حاجه وجايب لينا