في المستشفي
كانت مجيده بدات تفوق من الغيبوبه اللي هي كانت فيها
بسبب موت مروان ابنها
طبعا حياه كانت جنبها وبوسي بدات مجيده اتفتح عينيها وتنطق باسم مروان حياه قربت منها وقالت لهم اهدي يا ماما انتي تعبانه
ما تعمليش في نفسك كده مروان راح للي احسن مني ومنك
مجيده بانهيار ابني انا عايزه ابني ما تقوليش كده على اخوكي اخوكي ما ماتش يا حور ا تقوليش كده
حياه ماما انا حياه يا ماما مش حور
بوسي طبعا كانت مستغربه ازاي طنط فاكره كل حاجه واتلخبطت في حياه بنتها بس قالت عادي ممكن يكون اثر التعب
بوسي قربت منها وبدات تطمن عليها وبدات تطمنها وتقول لها اهدي يا طنط كل حاجه هتبقى تمام
ماجده بدموع قاعده ازاي وابني وبنتي الاتنين م’اتوا غدر
البنت اللي عمار جابها لنا البيت ق’تلت مروان عمار لازم ياخد حق اخوه عمار فين انا عايزه عمار
هاتوا لي عمار وبدات تنهار وتعيط
حياه دخلت وقالت لها حاضر يا ماما انا هتصل بيه وهو هيجي بس مجيده كان رد فعلها قاسي مع حياه وقالت لها ابعدي عني انتي السبب في كل حاجه
حياه .. يا امي مش وقت الكلام ده صدقيني كل حاجه هتتصلح وكل حاجه هتتحل
بوسي .. وهي ذنبها ايه بس يا طنط حياه ملهاش ذنبي في حاجه
مجيده بدموع انا عايزه عمار هاتوا لي عمار
بوسي قالت لها حاضر انا هرن على عمار وهيجي دلوقتي
وفعلا بوسي خرجت بره الاوضه ترن على عمار بس التليفون كان مقفول فرنت على عثمان وبلغته باللي حصل عثمان قال لها خليكي جنبها وما تسيبيهاش وانا هرن على عمار واجيبه ونيجي هو كان في الشركه بس لما انا وصلت الشركه بتوع الامن بلغوني ان هو خرج وكان مع واحده احاول اتواصل معاها واجيبه ونيجي
بوسي قالت له بس انا ملاحظه ان في حاجه غريبه طنط فاكره كل حاجه واتلخبطت في اسم حياه وكمان مش طايقاها حاسه ان في حاجه غريبه بتحصل
عثمان بتعب ايه اللي هيحصل اغرب من اللي احنا فيه ده يا بوسي خليكي بس جنبها وانا هجيب عمار واجي
وفعلا بوسي قفلت معاه ودخلت الاوضه جوه
بس وهي بتفتح باب الاوضه سمعت جمله بتقول انا عندي اق’تلك ولا عمار يعرف الحقيقه 😳
فتحت الباب ودخلت على طول عشان تفهم اي حاجه لكن للاسف اول ما دخلت كله سكت فدخلت وقعدت معاهم
مجيده سالت انا على عمار بوسي قالت لها عمار جاي وكلك كانوا قاعدين مستنيين عمار بس في حاجه غريبه بتحصل
عثمان بدا يرن على عمار بس تليفونه كان مقفول واتصل سال عليه في الفيلا ما لقاهوش واتصل سال عليه كام مكان ملهوش اثر
عثمان قال يبقى ما فيش غير مكان واحد لما يحب يريح دماغه بيروحه احاول اوصل له هناك