خلعت النقاب ورميته على السرير ودخلت الحمام احاول البس اللبس الا هو قالي عليه
بس للاسف من توتري بسبب اللبس ومن سبب اللي بيحصل لي نسيت شويه حاجات على السرير على دخول عمار الاوضه
دخل يدور عليا ما لقانيش بس سمع صوت ميه في الحمام فعارف ان انا في الحمام
لكن اتفاجئ من اللي شافه على السرير حاول يكدب م عينه وقرب ايده علي السرير يتأكد هو من الاول وهو شاكك اساسا
عمار.بجنان وعصبيه .
يابنت الكل’ب يابنت الكل’ب انا من الاول وانا شاكك فيكي
انا سمعت صوتك بيزعق بره اتجمدت مكاني من الخوف وفضلت اعيط واصرخ
وهو يكسر في باب الحمام ويقول لي افتحي افتحي فاهمني ايه الحاجات دي وانا اصرخ واعيط واقول له هفهمك هفهمك
عمار.. وانا لسه هستناك تفهميني ما كل حاجه واضحت قدامي اهي انا هق’تلك يا ليالي ده ان كان اسمك ليالي اساسا
بس اللي حصل ما كانش متوقع النور فجاه اتقطع عن المكان كله وانا بخاف من الضلمه قوي وفضلت اصرخ واقول له خرجني من هنا والنبي
لكن للاسف قبل ما اكمل الجمله كان في صوت ض’رب نار كتير قوي وصريخ كاني ناس هجمت على المكان
واختفى صوت عمار من الاوضه اكيد نزل يشوف ايه اللي بيحصل
وسابني في الحمام والدنيا ضلمه وانا بخاف قوي وفضلت اعيط الضلمه دي بتفكرني بالماضي الاليم قعدت على الارض ولميت رجلي ودفنت راسي في رجلي وخايفه من الضلمه ومن اللي هو هبعملوا فيا
وبدأت افتكر الا حصل
🥺 انا اسمي ليالي ما اعرفش اهلي فين ما ليش اب ولا ام ما ليش حد اساسا ما اعرفش بقى ان كانوا اهل عايشين ولا ميتين الله اعلم
بس ليه اخ اخويا ده اسمه ابراهيم ما اقدرش اقول ان هو قاسي وما اقدرش اقول ان هو طيب بس مراته ابتسام هي اللي قاسيه قوي وكانت بتعاملني اسواء المعامله وكانت بتضربني دايما وبتنيمني جعانه وبتشتمني بحاجات مش كويسه وانا ما ليش حد اشتكي له غير ربنا وكان لها اخ حش’اش اسمه خالد عايزه اتجوزه لي بالعافيه كل ما اروح اقول لاخويا يضربني ويسمع كلامها هي وهي كانت مطلعاني قدامه ان انا وحشه وماشيه ماشيه مش كويس
صحيت مره من النوم لقيتهم فجاه بيلبسوني فستان عروسه ويقولوا لي النهارده دخلتك على خالد وانا اصرخ واعيط حبسوني في الشقه لكن انا قدرت اهرب واهرب من المكان اللي هم عايشين فيه وكان في ست جارتنا طيبه بتعطف عليا استخبيت عندها
وقالت لي يا بنتي اكيد هاجي يدوروا عليك هنا عشان عارفين انك كنت بتجيلي انت لازم تهربي لمكان ثاني قلت لها اروح فين بس يا خاله قالت لي المستشفى اللي انا بشتغل فيها محتاجين بنت فراشه جديده بدل البنت اللي اخذت اجازه تعالي اشتغلي هناك وانا هتوسط لك عند الدكتور يبيتك في المستشفى
بس في مشكله يا ليالي مش هيوافقوا بيكي بالشكل ده
قلت لها طب اعمل ايه يا خاله قالت لي البسي نقاب عشان ما حدش يعرفك وفعلا لبست الجامعه وعملت شويه حاجات تانيه مع النقاب عشان امري ما يتكشفش
وعشان حظي الاسود اول يوم اشتغل فيه الدور اللي انا اشتغلت فيه عرفت ان فيه شخص عمل حادثه وباين عليه شخص كبير في البلد والمستشفى كانت مقلوبه وطلبوا مني ان انا ما ادخلش الاوضه ولا اجي يمها قلت حاضر وطيب لكن بالليل وانا كنت داخله انام سمعت صوت تنهيده عاليه وحد بيتكلم وبيقول ما تموتنيش ما تموتنيش فتحت الباب علشان اشوف في ايه
لقيت ناس واقفه حوالي ثلاث رجاله وقت”لوا الراجل
من خوفي من اللي شفته الحاجات اللي كانت في ايدي وقعت على الارض عملت صوت شافوني ما لحقتش اجري الاسدال والنقاب ووقعت جيت اقوم لما وقعت حسيتش بنفسي من الخضه
ولقيت نفسي اتجوزت عمار