دراعي سيب ايدي 🥹بوجع
عمار.. وهو يحذفها على السرير لو لسانك نطق الكلام ده تاني هق’طع لسانك
وخد الورق وخرج من الأوضه
..
كان نازل عشان يروح الشركه عشان المناقصه
وقفوا صوت مامته وهي بتقول له خدت كده كل ورقك اللي ناقصك عمار ايوه يا ماما حياه فين
مجيده اختك نايمه من بدري ولسه خارجه من عندها كنت فاكراها صحيت على صوتك بس لقيتها لسه نايمه
عمار تمام ما حدش يخرج من البيت
ونزل ركب عربيته واتجه لشركه مجرد ان هو نزل مروان اخوه هو كمان نزل مجيده رايح فين يا مروان مش قلت لك استنى ذاكر مروان مخنوق شويه يا ماما اخرج شويه مع اصحابي وارجع قبل ما عمار يجي
مجيده .. اخوك قال محدش يخرج من البيت اسمع الكلام مش عايزين مشاكل
مروان اوعدك يا ماما هرجع قبل ما يجي وبوسها من خدها وخرج
طبعا ليالي فضلت قاعده في الاوضه خايفه وحاطه ايديها على بطنها وبتفكر هتعمل ايه وتقول ايه
وبرده تفكر في البنت اللي شافتها في الجنينه لانها هي كمان شافت بنت في الجنينه معقول بيتهيا لعمار وبيتهيا لها هي كمان
بالنسبه لبوسي كانت جابت الورق من عند جرها اللي تحت
واتجهت للشركه عشان خاطر المناقصه
وعماره هو كمان وصل الشركه وكان عثمان وبوسي والمناقصه طبعا ضد امجد الاسيوطي وسونيا مراته والسكرتيره بتاعته
بس المناقصه رست على عمار وشركته
طبعا امجد قرب من ودني بوسي وقال لها بتضحكي عليا يا بوسي وتقولي ورق المناقصه ما كانش معاكي وهو معاكي عموما انا هبعتك في مكان محدش يعرف عنه حاجه خالص وابقي خلي عمار ينفعك عمار طبعا اتدخل وشدي بوسي
وقال لي امجد وريني اللي عندك وما تنساش ان انا لسه ما اخذتش تار اختي ورقبتك انت والحيوانه اللي جنبك دي وابوك بقى الله يرحمه كلكم قبال رقبه اختي وما تكفوش لو موجود ناس في عيلتكم لسه وكله هيم’وت
واخذ بوسي وعثمان وخرج من المكان اللي كان فيه المناقصه
امجد فضل يضحك ويقول انا خدت روح اختك والدور الجايه على اخوك وبعد كده على مراتي اللي عندك في بيتك
🙂🙂🙂
طبعا كانت خايفه من كلام امجد بوسي عمار قال لها هاتي هدومك وحاجتك اللي في شقتك عيشي معانا في الفيلا اليومين دول وقال له عثمان يروح معاها عشان هو لازم يرجع البيت يرتاح شويه عشان تعبان وفعلا عثمان خد بوسي وراح الشقه بتاعتها عشان يحضروا حاجتها وعمار رجع الفيلا.
كانت مامته نايمه ودخل اوضه حياه اخته الاقها لسه نايمه
طلع الاوضه بتاعته فتح الباب ودخل ليالي كانت قاعده على السرير وكان معاه حاجه في ايديها اول ما شافت عمار خبيتها بس عمار لاحظ وخد باله
ما اتكلمش ولاقال على حاجه قرب على ليالي وشد ايديها انصدم باللي شافوه في ايديها كان لسه هيض’ربها
بس هي قالت له هو ينفع نفس الوحمه تبقى عندي اخوتك الاثنين
عمار بصدمه قصدك ايه
….