انا اتجوز مرات اخويا دا انا مش بطيقها.

#ال24.#عمياء_قلبي. #بقلم_ميرا_ابوالخير.
نهال بصويت: حاااااااززم الحقنييييي ااااه بطني بتتقـ.ـطععع .
حازم خرج بسرعه ولافف المنشفه بزعر وجري عليها لاقي السرير كله د”م ونهال بتصوت من التعب: الحقني ابننا يا حاازم مش قاادرةة ااااه.
حازم بخوف: اهدي اهدي حاضر.
لابس هدومه بسرعه وهي بتتوجع علي اخرها شالها ونزل جري علي المستشفى.
نهال والنز”يف بيزيد: بسرعةةة يا حااازمم هموو”ت.
حازم بدموع وخوف علي هيئتها: اهدي يا حبيبتي اهدي انتي لسه في الخامس اهدي وصلنا اهو.
نزل بسرعه وحملها الي الداخل وهدومه بقا عليها اثر الد”م اخدوها منه وهو قعد حط ايده في وشه ودموعه نازلة: يارب احميها لي يارب مليش غيرها احنا تعبنا كتير يارب.
جاه راجل كبير بكجاز قعد جنبه: مالك يا بني فيه ايه.
حازم بحزن وقلق: مراتي مش عارف حصل لها ايه و ابني.
الراجل بابتسامة: قوم نصلي العصر وسيبها علي الله يا بني مش هينساك يلي هو عايزو هيكون.
حازم مسح دموعه: حاضر يا حج.
راح معه يصلي وهو راكع لله دموعه نزلت علي اخرها وفضل يدعي لها.
خلص ورجع المستشفى وهو قلقان اوي عليها لاقي الدكتوره خارجه جري عليها: حصل لمراتي ايه يا دكتوره.
بقلم ميرا ابوالخير.

 

 

 

 

عند سيلا.
سيلا بخوف بيشدها لحضنه وبيبطبطب عليها بتحس بالامان بتشوف هو مين: ق قصي.
بص عليها بعدم فهم: انا عاصم.
سيلا صورة قصي اتمحت من علي وشه عاصم بعدت عنه بغضب: ازاي تتجرا وتقرب مني.
عاصم بهدؤء: سيلا انتي كنتي….
سيلا بزعيق مقاطعه: اخرس خالص ملكش اي حق تقرب مني لو خطوة حتي انا مرات اخوك تمم.
مشيت من قدمه وهو زعل وقعد علي الكرسي وبحزن: ياريت قصي عايش والله كنت هبعد عنكم لانه انتي حبتيه وهو حبك بس كان لازم ارجع احميكي عشانه مش عشاني مش انتي الوحيدة يلي موجوعه علي موته انا مدمر من جويا قصي مكنش اخويا وبس كان اخويا وابويا وعوضني عن امي اشتغل وتعب وياما اتهان عشاني انا رجعت عشان اخد بالي منك لولا كده مكنتش هرجع تاني وهفضل ميت في نظركم انتي عشقتي قصي اكتر ما كنتي بتحبيني زمان يا سيلا .