نزل بيها ركبها العربية بغضب شديد
حور : ابيه انا
فارس بمقاطعة و بعصبية مفرطة: بس مش عايز اسمع نفسك حتى انتى فاهمة
هزيت راسها بخوف
هنا بصيت لهيثم بخوف عليه وبكاء : هيثم انت كويس صح
هيثم بغضب وضيق : بقولك ايه مش ناقصك انتى كمان
على بص لهنا بغضب
على : خلاص يجماعة الحصة خلصت انهاردة تقدروا تتفضلوا
هيثم : والله العظيم ما هعديهله جاى فى بيتى يته..جم عليا
على : خلاص يا هيثم حصل خير بلاش شوشرة
كمل وهو بيبص لهنا: اوصلك
هنا بدموع وهى بتبص لهيثم اللى مش مديها اى اهتمام
: شكرا يا مستر انا هاخد تاكسى الف سلامه عليك يا هيثم عن اذنكم
خرجت هنا بص علي لطفيها بحزن كبير
على : تحب اوديك المستشفى
هيثم : لا شكراً الاصا..بة بسيطة
كريم ( صاحب هيثم ) : خلاص يا مستر انا معاه
على : على راحتكوا
وصلوا البيت وفارس رن الجرس على مامتها اللى كانت قاعدة مع سومية وليلى
قامت ليلى تفتح الباب فارس دخل بعصبية مفرطة ور”مى حور على الكنبة بغضب
عزة بغضب شديد: فارس ايه اللي انت بتعمله دا
سمية : ايه اللى حصل يبنى
حور مكنتش قادرة تاخد نفسها من العياط فكيت النقاب واتكلمت بعصبية مفرطة
: ايه اللى حصل لكل دا يعنى انا معملتش حاجه غلط على فكرة
فارس راح عندها ونزل لمستواها واتكلم بغضب مهلك
: والله انتى شايفة انك معملتيش حاجه روحتى بيت هيثم عشان تاخدى الدرس يا حور هيثم هيثم اللى حاول انه يتعر”ضلك اكتر من مرة ولولا وجودى كان زمانه اذا”كى
حور ببكاء: يعنى هو انا رايحة أعمل ايه انا كنت باخد الدرس ومكناش لوحدنا كان فيه مستر على وباقى الطلبة
فارس بغضب : وانتى ايه عرفك وانتى رايحة ان دا مش كمين من هيثم انتى رايحة بيته فاهمة يعنى ايه افرضى كنتى روحتى لاقتيه لوحده هناك كان ايه اللى ممكن يحصلك ردى
حور : أهو حصل خير ومعمليش حاجه وبعدين اصلا هنا اللى كانت قايلالى وانا بثق فى هنا
استغفر الله العظيم الذي لا اله الا هو الحي القيوم و اتوب اليه ♥️