فارس : عارف انك بتحبي الجو والمكان عشان كدا جبتك
حور : انت ازاي بتعرف كدا كل حاجة عني
فارس : عشان انا اللى مربيكي يهبلة
حور : ايوا صح حقيقى شكرا
فارس راح عندها وقرب منها بحب كبير مسك ايديها وهو بيد’فن رأسه في عنقها وبيتكلم بهمس
: انا مستعد اعمل اي حاجه عشان اشوف الفرحة دي فى عينيكي اسف اسف عشان بسببي عشتي ايام صعبة اسف على كل حاجه يحبيبتى وبتمنى انك تنسي في اقرب وقت ونرجع
– نزلها النقاب بحب وهو بيدقق فى ملامحها وبيتكلم بهمس
: كنت بكره النقاب دا اوي عشان كان بيمنعني زمان اشوف وشك وملامحك بس دلوقتي بقيت بحبه جدا عشان مش بيخلي حد يشوف الملاك دا غيري
حور وقلبها بينبض بسرعة من قربه منها : كنت ممكن تشوف صوري بوشي مع ليلى مكنش هيبقى حرام انت جوزي
فارس : كنت عايز انتي اللي ترفعيه وتوريني شكلك يا حور مكنتش حابب أن أول مرة اشوفك فيها تكون عن طريق صور كنت عايز ترفعيه برضاكي بس اعمل ايه فى امي بقى
حور : مرات عمي عملت الصح انت المفروض كنت شوفتني من اول يوم كنت على ذمتك فيه دا حقك انا اسفة عشان فضلت تتعـ’ذب سنة كاملة بسببي
فارس: والله زعلت من اللى امي عملته زعلت عشان كنت اول اشوف وشك فيها كانت بالطريقة دي زعلت عشان الدموع اللى شوفتها فى عينيكي واضايقت من نفسي جدا لما قربـ’تلك واستغلت ضعفك بس صدقيني كنت محتاجك اوي مكنتش قادر اخبي مشاعري من ناحيتك اكتر من كدا
حور بخجل : اممم انت مغلطش وقتها
فارس : لا غلطت يا حور مكنش المفروض اعمل كدا
حور : تمام
فارس : طب مش هتسامحيني بقى
حور : مش بالسهولة دي يا دكتور فارس
فارس : بتعاقبـ’يني يعني
حور : اها
فارس : اكبر عقا’ب يا حور اكبر عقا’ب بس مش هستسلم انا روحي وقلبي معاكي فمينفعش استسلم واسيبك لعندك تعالي
سحبها من ايديها وقعدها فى حضـ’نه بحب وحنية مفرطة مرر بصبعه على خدها واتكلم بحنية مفرطة وهو بيمسك ايدها وبيبص فى عينيها بحب كبير
: بس تصدقي شكلك كان حلو اوي انهاردة وانتي بتغيظي ندى كان نفسى تفضل موجودة عشان تفضلي قريبة مني
حور بخجل وهي بتبص لعينيه : انا كنت عايزة اقـ’تلها وانت تقولي كان نفسي تبقى موجودة اكتر
فارس : لو هتعملي اللى عملتيه كل اما تشوفيها تيجي كل يوم
حور بسخرية : هه ههه ههه ظريف اوي على فكرة
فارس : مش واخدة بالك انك بقيتي بتتعـ’صبي كتير عليا
حور كانت هتتكلم بس قاطعها رنة موبايل فارس
فارس : الو
ادهم : دكتور فارس ازيك
فارس : الله يسلمك انت ازيك يا حضرة الظابط
ادهم : فيه حاجه مهمة حصلت انهاردة حضرتك لازم تعرفها