نوارة: يبقا تجيبي والدك وتيجي تقعدي هنا قعدتك لوحدك مع اتنين عزاب في بيت وحد غلط
قمر: ليه يما ما انا قاعده في شقتي وهما في كل واحد في شقه
نوارة: ودول مش جمعهم بيت واحد يعنى
قمر بقلت صبر
: عايزه اي يا امي من لاخر
نوارة: توافقي على حسن انتي عارفه جه طلبك مني كام مره الواد رجليه وجعته من كتر ما يجيلي
قمر: انا مش عارفه اي الي يخليه يتجوز وحده أرمله و معاها عيل وهو متجوزش قبل كدا
نوارة: عايز يحلل قعدته معاكي يا بتي
قمر: حاضر يما هشوف… المهم رحتي عند رحمه اخباره اي
نواره: البت دي واجعه قلبي عليها قبل ما اكلمه تقولي قد ابوي قدا ابوي
قمر: معلش يما انتي عارفه انها كانت عينها من عيسى وريداه بس زي ما انتي عارفه عيسى عينه من شمس اختي
نوارة: علشان كدا جوزتها لرحيم هو قلبه طيب والله وهتحبوا بس لو تصبر
قمر: إن شاء الله خير يما…. كملت لما دخلت عليهم شمس… اهي شمس جات
نوارة: امال فين الدواء
شمس: قپلټ عيسى في الطريق وقلي أرجعي وانا هجبهولك
نوارة بحده: وانا مش قلت مفيش كلام مع عيسى دا
قمر: خلاص يما انت عارفه عيسى جدع و مادام شافه هيرجعه
نوارة:خلاص
شمس: مجبتيش امير معاكي ليه وحشني
قمر: نام بدري وسبته مع عمه
شمس بضحك: حړام عليك انتي مشغله الراجل داد ليكي
قمر: اخفي يا بت من وشي… كملت لامه… همشي انا يا امي
نوارة: خليكي بايته معاي النهارده وامير كدا كدا مع اعمامه
قمر: خلاص يما هرن بس على حسن اقله هبات مع امي علشان ياخد باله من امير لاحسن ينساه
نوارة: ماشي يا ضاناي
الباب خبط
شمس: هروح افتح انا
نواره: تاخدي الدواء وتدخلي علطول
شمس: ماشي
شمس اتجهت للباب تفتح
عيسى: الدواء
شمس ابتسمت: شكرا اتفضل طيب
عيسى: الواقت أتاخر مره… سكت لما لقي قمر طالعه من جوه كمل… اي دانتي هنا يا مرات اخوي لو مروحه تعالي اخدك في طريقي
قمر: لا أنا هبات هنا بالله عليك خد بالك من أمير لـ حسن ينساه وينام
عيسى:لا ماشليش هم هاخد باله منه
قمر: طاب اتفضل اشرب حاجه
عيسى: متشكر
عيسى مشي و شمس قفلت ودخلت تساعد امها تاخد العلاج لانه مريضت سكر
في قصر عيلة منصور
سيد قاعد وقدامه منصور
سيد: مش هتبطل حركات الحريم دي يا منصور
منصور: ما تعدل حديتك عاد يا سيد أنت جاي ټھېڼي في بيتي ولا علشان الناس اختارتك تبقا كبيرهم و ميعرفوش الي وراك
سيد: انا مش جاي اهين حد انا جاي احزرك تاخد بالك واي هو الي وراي الناس كلياته عارفه مين سيد متولي شعبان الدور والباقي على الي متعرفلوش أصل ولا فصل وجاي يخرب في البلد
منصور وقف پغضب: لاه عاد دي هبت منك خالص اي ملهم اصلا ولا فصل انت عارف بتكلم مين