احمد _ منال تعالي ادخلي وبعدها دخلت
سلمي _ ازيك يا منال تعالي اقعدي والله
كنت لسه بتكلم مع احمد وقولت ليه
دي برضه اختك مينفعش تعمل معاها كده
منال _ والله فيكي الخير يا سلمي
سلمي _ بس هو من حقه برضه في الفلوس
اسمعي لا ستي ادينا 100 بس وعوضنا
علي الله في الباقي
منال _ هو انت مقولتش لمراتك أن مشاكل
الارض اتحلت وجالك فيها أضعاف مضعفه
احمد _ اي الكلام ده هو انتي عرفتي الكلام
ده منين
سلمي _ علشان تصدقني أن اختك مراقبه
حياتنا
منال _ هراقب حياتك ليه كل الموضوع
ان خليت خطيب بنتي ميرا يخلصك
المشاكل علشان ميكنش فيه
زعل بينا وبعدها اتصل بيا وقالي ان
الارض جايبه تمن كويس
احمد _ معقول انتي اللي عملتي كده طيب
ازاي
منال _ لو الظفر بالنسبه ليك عادي
يطلع من اللحم انا لا بعد اذنكم وبعدها
مشيت
سلمي _ اوعي تصدق كلامها دي جايه
ترسم الدور عليك ياحبيبي
احمد _ ازاي دي بجد طلعت احسن مني
عمري ما سألت ليها وفي الاخر تعمل كده
سلمي _ الله اكبر بركاتك يا ست منال
بقولك اي انسي اللي حصل ده اختك مش بتحبك
وفي شقه منال الباب خپط وفتحت ندي
وكان شريف لابس بدله ومعاه ورد
ندي _ اي ده انت كنت لسه بتكلمني مقولتش
انك جاي