أغمضت غرام عينيها ليدخل أحد الموظفين حاملا العديد من الحقائب المليئه بالطرح والاكسسوارات وملابس المحجبات
عاصم: افتحى عنيكى
غرام بفرحه: الله…شكرا ليك يا عاصم
عاصم: انا تحت امرك..يلا اختارى اللى يناسبك والبسيه علشان ما نتأخرش
حدث هذا أمام شمس التى استشاطت غضبا لاهتمام عاصم بتلك الف*لا*حة
شمس بغيظ: شايفه يا جدتى عاصم بيكلمنى ازاى أمام ال*فلا*حه.. دى
محاسن: انتى اللى بدأتى
شمس بغيظ: ماشي سلام وغادرت
ارتدت غرام طرحه من الشيفون فكانت كالبدر
غرام: ايه رايكم
عاصم بحب: زى القمر
محاسن: ربنا يزيدك جمال يا بنتى
عاصم: يلا بينا
غرام: يلا بينا
على الطرف الاخر
يتصل رامز على شمس ليطمئن على نجاح خطته…
رامز: شموسي عملتى ايه
شمس بغيظ: قولى ما عملتيش ايه
رامز: يعنى ايه
شمس: خطتك فاشله زيك وعاصم ولا عبرني وكان مهتم بيها وانا راجعه يا فالح
رامز بغيظ: انتى اللى غبيه وشكل البنت دى مش سهله وعايزة تخطيط..
شمس: خطط براحتك انا مش ناقصه عقد انا رايحه النادى باااى وأغلقت الهاتف
رامز: هتكونى ليا يا غرام…بأى تمن
يصل عاصم امام جامعه القاهره
عاصم: خلى بالك من نفسك..
واعرفي مواعيد محاضراتك واول ما تخلصي رنى عليا..
غرام: حاضر..وانت كمان خلى بالك من نفسك
عاصم بحب: حاضر..
لتنزل غرام وتدخل ذلك الحرم الجامعي الذى طالما تمنته وتحقق اخيرا على يد ذلك العاصم
سألت أحد الأشخاص عن مكان المدرج
يوسف بنظره انبهار مد يده لها اسمى يوسف وتعالى اعرفك مكانه..
غرام: اعذرنى اوصفلي وانا هروح لوحدى
ابتسم يوسف لحيائها
ووصف لها مكان مدرج المحاضرات ذهبت إليه وجلست وسط الفتيات بعيدا عن الشباب
وبعد مده من الوقت وصل الدكتور
لترفع غرام رأسها لتجده يوسف…….يتبع