رواية هديه من مجهول كاملة جميع الفصول

….. طيب أنا هطلب لك قهوة عشان تفوقي كدا وتركزي ده اليوم لسا ف أوله

وف خلال ثواني القهوة كانت عندي .. أصل احنا عندنا بوفيه ف نفس البرج اللي فيه العيادة … بعد ما شربت القهوة حسيت بشوية تركيز … اتصلت ب لميا عشان احكيلها اللي حصل امبارح …مش قادرة استنى لغاية لما اروّح بليل …. حكيت لها كل اللي حصل بالتفصيل … قالت لي بضحك :

…. ابن اللاعيبة استنى لغاية لما مشيت عشان يبعتلك … ده عفريـ،ـت ناصح أوي

قلت لها بخو.ف :

…. شكله كدا عفريـ،ـت بجد يا بت يا لميا.. أنا خايفة يكون الج،ـن العاشق ده اللي بيقولوا عليه

قالت لي :

….. وتخافي ليه … هما البني أدمين يعني اللي عدلين أوي. .. بالعكس ده أنا شايفة إنك محظوظة وجدا كمان

قلت لها بعدم فهم :

…. قصدك إيه

قالت لي :

 

….. قصدي إنك لازم تستغلي الموضوع ده على قد ما تقدري … مش هو قالك ف الجواب أنتِ بس اتمني…. خلاص اتمني يا ستي وخليه يحقق …… عيشيلك يومين واستمتعي بالحياة بقا

قلت لها بصوت واطي :

….. بس ده بيجيب لي حاجات مسروقة

قالت لي بتحدي :

….. لا أنتِ اللي اتمنيتي العقد عشان كدا جابهولك …. جربي كدا تتمني حاجة تانية ونشوف هيحصل إيه. …وهنروح بعيد ليه خليه يعالج أبوكِ التعبان ده

قلت لها:

….. تصدقي صح أنا هخليه يحجز لي عند الدكتور

ضحكت وقالت :

…. هتفضلي طول عمرك فقرية …. يا بنتي مش أبوكِ أصلا محتاج عملية كبيرة … خليه يدفعلك فلوسها وتعمليهاله وتخلصي بقا من الأدوية والمسكنات ووجع القلب ده كله

فعلا لميا عندها حق … مش أنا وافقت أدخل اللعبة دي من البداية يبقى لازم استفاد منها على أكمل وجه….ومفيش أهم من عملية بابا دلوقتي … والعملية غالية جدا عليّ … استحالة أقدر اجمع تكاليفها ولو بعد 100 سنة ..والعقد كمان استحالة ابيعه دلوقتي …. الشرطة مش هتعدي الموضوع بالبساطة دي …

—

روّحت الليلة دي وأنا مقررة إني هرد على الرسايل بالكلام ده ….. مش هو قالي اتمني وأنا أنفذ ….. أنا بقا هتمنى وأشوف. ….

وأول لما وصلت دخلت الأودة وقفلت الباب عليّ…. مسكت الفون واستنيت الرسالة اللي بتيجي لي من رقم خاص ….ياترا ليه بتتبعت من رقم خاص … ليه خايف يعرفني رقمه هما العفاريــ،ت بيخافوا … إيه اللي أنا بقوله ده كمان… هما العفاريــ،ت أصلا معاهم تليفونات وف ثواني وصلت الرسالة المتوقعة …. رسالة مكتوب فيها :

…. وحشتيني

مش عارفة ليه فرحت … أنا عارفة إنه هبل مني بس ده كان احساسي وقتها … أول مرة أصلا حد يهتم بيّ ويشيل همي … أنا دايما اللي بشيل الهم.وم والمص.ايب كلها

كتبت له :

….. شكرا

رد وكتب لي :

…… حلوة شكرا برضه مش وحشة ..قوليلي بقا يا ستي عايزة تعملي عملية باباكِ امتى

اتصدمت للحظات… بس بيني وبين نفسي قلت عادي يا بت ماتخافيش ده عفريـ،ـت … يعني يقدر يعرف كل حاجة …. كتبت له :

…. ف أسرع وقت وبجد هكون ممتنة ليك جدا

كتب لي :

…… بس ف حاجة مهمة لازم تعرفيها .. أنا مش عفريـ،ـت يا شهد

اترعبت أوي من كلمته …. هو لو مش عفريـ،ـت هيكون إيه. .. شيط.ان … كتبت له :

…. اومال أنت إيه. .. وازاي بتقدر تعرف بسهولة كل اللي بفكر فيه

كتب وقال :