صاحبي بيحب مراتي

عماد
براحتك يا حبيبتي، انا هنزل اقعد مع ماما شويه لحد ما اروح اصلي الجمعه..

_نزل عماد وهي كلمت رؤوف اللي رد عليها بسرعه وقالت ليه هي بعصبيه..

هناء
بقي تاخد مني فلوسي وتروح تجيب بيها حاجات لابن اختك..

رؤوف
في ايه يا هناء مالها اختي وابنها وفيها ايه لما اجيبلهم حاجات..

هناء
في ان انا اللي المفروض اكون مراتك وتجيب لابننا الحاجات دي..

رؤوف
ان شاء الله قريب يا حبيبتي

هناء
وانت ما قولتش ليه ليا بقي انك مسافر عند اختك

رؤوف
عادي يا هناء هو في ايه علي الصبح

هناء
مش عايزاك تقرب من هبه ولا تتجوزها..

رؤوف بحده

 

يووه بقي بقولك ايه انا هتجوز هبه وانتي عاجبك اهلا وسهلا مش عاجبك يبقي انتي مش بتحبيني وعايزه تخسريني وانا مش ببقي هلي حد عايز يخسرني..

هناء بخو.ف
طيب انت اتعصبت ليه يا حبيبي انا اسفه ما اقصدش..

رؤوف
لما اجي اتقدم لهبه تساعديني وتقفي جنبي وتقوليلهم اني كويس ويفقو بيا فاهمه يا هناء..

هناء
حاضر والله بس ما تبعدش عني يا حبيبي انا ما قدرش اعيش من غيرك..

رؤوف بخبث
ولا انا يا حبيبتي ما اقدرش اعيش من غيرك، بس بلاش تستفزيني..

هناء
حاضر واللي انت عايزه انا هعمله ليك..
_تحت في بيت اهل عماد، كان قاعد مع مامته وقالت ليه مامته..

ام عماد
اخت رؤوف كلمتنا وشكرت اختك انها جات ليها الحاجات مع رؤوف لابنها

عماد
غاده دي طيبه اووي وزيها زي رؤوف..

ام عماد

مالك يا حبيبي مدايق ليه

عماد
ممكن با ماما تخلي هبه تبطل تنزل مع رؤوف لوحدهم..

ام عماد
امم وده كلامك ولا كلام السنيوره مراتك..

عماد
يا ماما هناء ما لهاش دعوه انا علي كلام الناس، انما انا واثق في اختي وواثق في صاحبي كمان بس الناس ما تعرفش اللي احنا عارفينه..

ام عماد
حاضر اللي يريحك يا حبيبي انا هعمله..
_بعد كام يوم في الشغل كان عماد قاعد علي مكتبه وبيشتغل ومركز في شغله، وقرب منه رؤوف وقال..

رؤوف
عماد هو انت لو قولتلك تعالي اخطبلي بنت ناس ومؤدبه هتوافق..

فرح عماد وقال ليه
طبعا با حبيبي ده اسعد يوم في حياتي يوم ما تتجوز يا رؤوف وتتلم بقي في بيت وتلاقي واحده تاخد بالها منك

رؤوف
طيب انا عايزك تكلم مامتك وتخطبلي منها هبه..

ابتسم عماد وقال
تعالي يالا كده احض.نك..

حضنه رؤوف وقال
يعني انت موافق يا عماد