مالك….. اي شايفني في البيت
قاسم…. لم ابنك بدل ما ابوظ وشه يا مالك
مالك…. حاضر
بعد مرور سبع أيام والحياه سعيده بين الجميع اليوم قرر قاسم أن يعمل عيد ميلاد لروز
كان يقفل مع روز في غرفتها يختار منها فستانا يليق بها فهي أميرة هذه الحفله
قاسم….. أنا شايف دا مناسب
…. الله الله سايبني وجاي تنقي فستان الهانمط
عانقته روز لتقول…. ودي جديده ما قسوم حبيبي هو اللي بيختار معايا كل سنه
ق
اسم…. حبيبتي يا روزي
رزان…. وأنا
قاسم….. أنت حياتي يا روزي
رزان…. هروح اشوف يوسف وأنت خلص
قاسم بضحك…. حاضر يا فند ـ،م
خرجت رزان وبدأ قاسم يتحدث مع روز
قاسم…. من اسبوع أنتِ تميتي ال18 سنة وأنتِ في سن ال17 حكتلك كل حاجة حصلت مع مامتك لان كنت حاطط ايدي على قلبي كل يوم من ساعت ما قالوا كريم هرب بدأت اعرفك كل حاجة عن حياته لان عارف الهدف أنتِ، ربنا وحده اللي يعلم أنا مبفرقش بنكوا بس أنتِ يا روز كنتي حاجه تانيه خالص اول ما شلتك مسكتيش غير معايا حبي ليكي كان غريب اوي ومازال غريب محدش حب كده انا عمري ما كنت بشيل أطفال أنتِ اول طفله شلتها، كنت فاكر بقا أن أول ما تنامي هقول الحمد لله خلصت من الزن لا أنا كنت بتسحب زي العيال اصحيكي علشان اقعد معاكي كنت برجع من الشغل بدري علشان اشوفك اول يوم ح.ضانه كنت فرحانه ولا كانك رايحه الكلية مش حضانه وفي نفس الوقت زعلان انك هتبعدي عني، مخلتش العربيه اللي تجيبك لا بدأت اظبط شغلي على معاد الحضانه علشان انا اللي اجي اجيبك، حبي ليكي مختلف يا روز و هتفضلي حياه وعمر قاسم أنا بطلك الأول وحبيبك لما كريم كلمني حسيت أن روحي اتسحبت مني لو كان حصلك حاجه كنت هلوم نفسي اني مخلصتش عليه في ساعتها قبل ما اسلمه
عارف أن زين بيحبك وأنتِ بتحبيه بلاش توتر احنا علاقتنا صحاب وحبايب زي ما باجي احكيلك أنتِ بتحكي زين بيحبك بجد وأنا معنديش مشكلة بس بعد الكليه هتتجوزوا أين نعم هو عيل رخم وأنا بغير منه لكن اهم حاجة فرحتك يا روز قاسم
اغرورقت عين روز بالدموع لتعانقه بقوه…. بحبك اوي يا بابي
قاسم.. وانا بحبك يا قلب بابي
يالا يا برنسس الحفلة اجهزي وأنا هروح اشوف مامي
خرج قاسم متجه إلى جناحه لكن وقف عندما سمع حديث يوسف ورزان
رزان…. هتفضل قالب وشك كتير يا چو
يوسف…. مفيش حاجة يا أمي
رزان…. لا لا هيٰ وصلت لأمي يبقا لسه زعلان فين روز وزوز حبيبتك، متزعلش مني يا يوسف أنت متعرفش روحي كانت مسحوبة مني ومتعلقه ازاي
يوسف….. ليه يا أمي أنا اختي انخطفت ورجعت وانا معرفش السبب ومين الراجل دا
…. أنا أقدر اقولك ليه ما انت راجل ويعتمد عليك
رزان….. قاسم
قاسم…. روحي يا حبيبتي مع البنات واجهزي وانا هشوف يوسف وبعدين محدش بيزعل من مامته صح يا يوسف
يوسف….صح يا بابا
قبلته رزان من وجنته….. يسلملي حبيبي العاقل
وخرجت
قاسم….. عاوز تعرف
يوسف…. اكيد
قاسم…. من حقك لكن مش دلوقتي… أختك كان لازم تعرف لان هيٰ الهدف طبعا وأنا كنت عارف كده ومكنتش عاوز حد يعرف حاجة عن الموضوع دا لانه حساس شوية لكت حصل اللي حصل بس وعد اول ما تتم ال18 هتعرف السبب يا يوسف وبعدين عيب كده لسه ملبتش الناس هتيجي مين يقابلهم يالا يا چو البس علشان في ناس كتير عاوزك تتعرف عليهم
يوسف حاول يتفاهم الموضوع….. حاضر يا بابا
وخرج قاسم من عند يوسف، توجه إلى جناح حياه
قاسم…. يارب الفستان يكون عجب سمو الأميره
حياة…. بابي حبيبي افتكرت نسيت
قاسم…. انسى حياتي برده فستانك بنفس التفاصيل اللي كنتي بتقوليها قدامك ولو في اي تعديل قولي
حياة…. الصراحه الفستان تحفه يا بابي