_انتى جايه هنا لى جايه تسرقي انتى ازاي طفله في سنك عندك الجراه لكدا..
_علشان حسن يبقى ابويا ..
_اي….
_ايوا انا بنت احلام…
_اي بنت احلام وانا ايش عرفني بقى
طلعت من جيبها شهادة ميلاد والبطاقه بتاعت يحيي ..
_خد علشان تتأكد
مسكهم وبقى مذهول اي اللي بيحصل دا وقت مجه الوقت أن كل مشاكلهم تتحل وينسوا كل اللي حصل نسخه تانيه من احلام تظهر في حياتهم!
_وانتى عرفتي منين كل دا
_هتفضل موقفني عالباب كتير متخافش انا مش زي امى ولا زي ابويا انا مظلومه زيكوا بالظبط..
يحيي وسعلها علشان تدخل ..
والكل استغرب لما شافها وشاف شكلها وفريده مستغربتش لان شكلها شكل احلام بالظبط؟
قربت منها
فريده:انتى بنت احلام صح
البنت:ايوا انا بنتها انتى فريده
فريده:ايوا يا حبيبتي
البنت:الله انتى جميله اووي ماما كانت موحشاكي في نظري بس حسيت دلوقتي لما شوفتك انك حلوة اووي وطيبه اكتر منها
الكل استغرب من البنت دي اللي هى عقلها سابق سنها بكتير وفاهمه كل كلمه هى بتقولها
يحيي :مش هتقولى بقى عرفتي منين وكمان عرفتي البيت ازاي
البنت_هقولك..
لما سرقت منك المحفظه انا دائما متعوده افتح المحفظه اللي يسرقها واخد منها الفلوس وارميها علشان ميحصلش حاجه ..
فتحتها وطلعت الفلوس وجيت ارميها لفت نظري اسمك اللي في البطاقه ..
لقيت نفسي يمسكها وحطيتها معايا وانا طبعا بعد ما أهل جوز امى طردوني بعد مقتلها واتسجن اترميت في الشارع باللبس اللي عليا ومعايا شنطه صغيره فيها كام حاجه كدا وشهادة ميلادي كأثبات..
عارف يعني اي طفله ٨سنين تترمي في الشارع نمت تحت الكوبري واتشردت لحد مشافني واحده من اللي بيلموا العيال من الشوارع يشتغلوا معاهم فخدتنى واشتغلت معاها وحصل اللي حصل..
بس لما عرفت انك اخويا قولت يمكن ينجدنى من اللي انا فيه انا اتولدت واتربيت انى اعتمد على نفسي انا عندي ٩سنين البنات اللي في سني لسه مشافوش الدنيا ولا تعبوا زي منا تعبت لسه روحهم في طفوله انا مشوفتهاش..
فريده قربت منها وحضنها
_يا حبيبتي يا بنتى ربنا يسامح اللي عمل فيكي كدا
_انا اسفه انى جيت بس انا مليش حد
_احنا اهلك يا حبيبتي..
صح يا يحيي
_ايوا يا امى وبعدين بص في الشهاده
ولا اي يا مى..
_ياااه انا بقالي كتير اووي محدش ندهلى باسمي انا نسيت انى اسمي مى
قرب منها وكل اللي كانو واقفين صعبت عليهم…
_لا انتى اسمك مى واعرفي انك اسمك مى وهتعيشي معايا وهتعملى كل اللي نفسك فيه واي حاجه انتى عوزاها هتجيلك
_بجد يعني هبقى زي البنات اللي يشوفها
_واحسن كمان
حضنته
_شكرا جدا
_لا مفيش شكرا انا اخوكي وجاب نور وفارس
ودول كمان اخواتك وهتعيشي معاهم
_الله انتو حلوين اوووي انا كنت مفكره هترميني زيهم