حمزه:انتى عارفه احسن حاجه فيكى ايه
ملك:ايه ده هتمدح فيا انطلق يا باشا اصلى بحب المدح اوى
حمزه ضحك:انك مجنونه
ملك:هنبتديها كده ماشى وايه كمان
حمزه:عن’يفه ومعظم الوقت مش بتعرفى تتكلمى كويس
ملك:كل ده مديح لا كفايه كفايه احسن اتغر
حمزه بضحك:بس طيبه وحنينه وقلبك ابيض والأهم انك صريحه وله مره كدبتى وله خبيتى حاجه حتى لو بتعملى مصيبه بتروحى تقوليها .
ملك أضايقت وسكتت
حمزه:سكتى يعنى
ملك وقفت بريحانه:عشان انا كدا’به مش صريحه
حمزه:معظم الوقت الإنسان بيشوف نفسه وحش بس ديه مش حقيقه
ملك نزلت:بجد انا مش كده يا حمزه انا كدبت وعليك
حمزه:ايه
ملك:انا كنت هقولك كل حاجه بكره بس انا مش مستحمله استنى الكدبه لما بتقعد وقت طويل بتكبر وانا مش عايزه ابقى كده مش عايزه اطلع كدابه يا حمزه انا عمرى فى حياتى ما كدبت ويوم ما اكدب اكدب على اكتر شخص حبيته فى حياتى
حمزه مسك أيديها:ملك قوليلى كدبتى فى ايه
ملك:بابا عايش ومفيش ورث
حمزه بصدمه سابها: ايه
ملك:انا اسفه بجد بس انا …. نزلت راسها لتحت
حمزه:سكتى ليه مش لقيه كلام تقوليه صح
ملك:انا بجد اسفه حقيقى انا الاول مكنتش بحبك كنت عايزه انتقم منك لانك عارف انك إلى عملته فى عمتى مش عدل أبدآ وكانت مهمتى انى انى
حمزه:تعذبينى مش كده
ملك:بس والله انا معملت كده كنت عايزه أبان كده للكل حتى ليك بس انا عمرى ما عرفت اعذبك افتكر انا مكنتش باجى جمبك غير لما بتضايقنى مش فاكر وكذا مره رجعت لجدو وقولتله مش هكمل بس عشان كنت حاسه بخطر منك بس طلع الخطر ده هو الحب يا حمزه انا بجد حبيتك من كل قلبى ممكن تسامحنى
حمزه:مش عارف هقدر وله لا يا ملك انا اكتر حاجه بكرهها هى الكدب وانتى كدبتى عليا وفتره كبيره كمان مش عارف
ملك مسكت أيديه:هتقدر بس حاول
حمزه شد ايديه:شكلى مش هقدر يا ملك انا اسف بس انا زيك بشر مش كل حاجه بقدر اسامح عليها
سابها ومشى
ملك دمعت ريحانه خبطتها فى ضهرها لفت ملك وحضنتها جامد
رجع حمزه الاوضه وهو متعصب
حمزه:طلعت كل ده عايش فى كدبه يا ترى حبتنى بجد وله كان مجرد كدبه
ملك مشيت مع ريحانه
ملك لريحانه:معاه حق ميسامحنيش انا عمرى ما هسامح نفسى
بس عارفه هفضل وراه واكيد هخليه يسامحنى يا رب يسامحنى يا ريحانه احسن لو مسامحنيش انا مش هسامح نفسى ابدا مكنش لازم ابدا الكذبه ديه من الاول انا اصلا مش بحب الكدب بس عارفه انا تكنيكيا مكدبتش عارفه انا خبيت بس ….لا كدبت كمتت الحقيقه ومصححتهاش اتحسبت عليا كدبه يا ربى ساعدنى
اصالحه.
رجعت ريحانه مكانها وطلعت الاوضه لقيت حمزه نايم ووشه متعصب ومكرمشه
ملك:طب انادى ولاء تجيب مكوى وله ايه
حمزه بإستغراب:مكوى ليه
ملك:عشان تفرد وشك
حمزه غمض عينيه بضيق
ملك اتنهدت ولفت جمبه: حمزه
حمزه:نامى وانتى ساكته
ملك:طب حموزى بقولك
حمزه:امممم
ملك:مش جعان
حمزه:لا شبعان كدب
ملك أضايقت:احسن خليك شبعان
حمزه قفل النور وسكت
ملك:هووووف انت زعلان طيب
حمزه:ايوه خلاص بقا
ملك:احسن اتفلق على فكره مش هممنى خليك زعلان اب’و شكلك
حمزه كتم ضحكته:نامى يا ملك واخلصى
ملك:هنخمد بس خليك فاكر انا سألتك جعان وله لا وانت قولتلى لا ماشى افتكرها
قامت وفتحت النور
حمزه:وبعدين بقا
ملك:ملكش فيه خليك فى حالك ومتقفلش النور انا بقولك اهو