بليل كانو قاعدين قدام التليفزيون عند عمتهم
ملك مسكت تليفونها بزهق لقيت طارق منزل حاله
فتحتها لقيت(تيجى نتراهن أن هيجى اليوم وتقولى أن انتى ندمتى وان الدنيا هتخليكى تعرفى قيمتى حاولى تلاقى من دلوقتى ليومها كلام اعملى بس حساب قدام انا حذرتك ابقى افتكرى انك صممتى تيجى نتراهن انك راجعه وان ساعتها مش هتلاقى حجج تقوليها وانى هدور وشى يوميها عشان تزود على اوجاعك مليون واجعه)
حمزه:وحشه اوى الاغنيه ديه
ملك:ديه حاله طارق على الواتس
حمزه:تمام نزلى رد بقا.
ملك دورت ولقيت فعلا اغنيه ليقه بتقول(سكه السلامه شوفت انا منك انت ياما يالا بالسلامه اتفضل رد الباب وراك احسب الغلاوه واوعى لاتقلب عداوه هعيشك دراما حبيبى بلاس اعملها معاك)
حمزه:اه حلوه ديه.
ملك فعلا نزلتها وقامت
حمزه:رايحه فين لسه الفيلم مخلصش
ملك:تعبانه شويه عايزه انام
حمزه قام:طيب يالا بينا
ملك:يالا ايه اقعد انت مع عمتو وولاء كملو الفيلم انا عايزه ابقى لوحدى
حمزه:سورى مش هسيبك لوحدك على قلبك.
ملك ابتسمت:يوووه خلاص هقعد
حمزه:هقعد معاكى.
حمزه كان عارف انها هتدخل تعيط عشان كده كان عايز يبقا معاها بس ملك كالعاده مش بتحب تضعف قدام حد.
الجد دخل بعصبية:ايه إلى حصل ده
حمزه بص لملك وولاء:ايه حصل يا جدو
الجد:مين طلع فار عشان يخوف عامر
ملك:اولا انا ثانيا ده مش فار ده مجرد هامستر هو إلى اوفر.
الجد:انا عارف انك مش طايقاه بس ده مش معناه انك تبوظى جوازه بنت عمك.
ملك:انا يا جدو
ولاء:يا جدو انا إلى مش عايزه اتجوزه.
الجد:اخرسى انتى لسه حسابك مخلصش
ملك وقفت قدامها:لا يا جدو اى حاجه عايز تقولها لولاء انا إلى استاهلها لأن كل حاجه كانت من تخطيطى وانا مش بخاف الاعتراف على فكره وهقبل اى عقاب بس حضرتك تلغى فكره ان عامر يتجوز اى حد من عيلتنا
الجد:الظاهر انى اخدتك عليا لدرجه بقيتى تأمرينى
ملك:يا جدو انا مقدرش أمرك انا بس بطلب منك وبقولك عامر مش كويس.
الجد:وانتى بقا إلى هتعرف إذا كان كويس وله لا انتى اخر حد يقول رأيه فى الناس.
ملك دمعت
الجد:اعملى حسابك هتسافرة انتى وحمزه تخلصوا شغل فى ايطاليا لحد ما الجوازه ديه تتم وده اخر كلام بكره الدار تجهزو هدومكم بعد بكره الطياره.
حمزه مسك أيديها وخرجها من الاوضه ودخلو اوضتهم.
ملك بعصبية وقت كل إلى على الترابيزه وقعته كسرته
حمزه:أهدى أهدى
ملك بدموع وعصبيه:كل مره يختاره هو وانا لا كان انا بس الى بغلط
حمزه:انتى ليه مش طايقاه كده
ملك:عشان هو زى طارق خاين
حمزه:وانتى ايه عرفك
ملك:عشان كان خطيبى قبل كده
حمزه بصدمه:ايه.