ملك:انا بقا العكس انا متحمسه بس لانه اول مره اشتغل اصلا فى الشغل ده تفتكر هنفع.
حمزه: اممم ممكن ليه لا بس هو اسلوبك إلى محتاج يتغير شويه يعنى مش عميل يضايقك تقومى تضربيه هنفلس كده.
ملك ضحك بس تليفونها رن وكان طارق.
ملك:ألو طارق.
حمزه اضايق انها تجاهلته ومشى.
نزلت ملك وراه وهى بتتكلم فى التليفون.
ملك:صباح الفل يا باشا انا خلاص ماشيه تصحينى ايه شوفت نشيطه اوى انت إلى كسلان تمام هكلمك بعد الشغل خلاص بعد شغلك كلمنى تمام سلام
نزلت وركبت مع حمزه واتحركو سوا.
حمزه:بصى مش عايز عناد كتير إلى أقوله يتسمع عشان نعرف نتعامل سوا
ملك:بمزاجك هو لا يا بابا انسى انا هعمل إلى مقتنعه بيه سواء عجبك او لا.
حمزه:جدو قالى اعلمك يبقا تسمعى الكلام عشان تتعلمى.
ملك:لا انا هعلم نفسى متشكره مش محتاجه منك حاجه .
حمزه:بطلى تكبر بقا.
ملك: تكبر!!انا متكبره.
حمزه:ايوه مش بتسمعى من حد بس بتسمعى كلام نفسك.
ملك: خلاص هحاول اسمع كلامك بس انت اشرح بأدب مش هتعصب وهتلقينى بتعامل معاك كويس عارف اصلا انت إلى بتجبرنى اتعامل معاك بعنف.
حمزه:هو اصلا من بدايته كان زواج عنيف.
ملك بسخرية: ودلوقتي
حمزه:عنيف برضو بس أقل من الاول الظاهر بدأنا نتعود على بعض.
ملك:الظاهر كده فعلا.
وصلو الشركه واتعرفو على الموظفين ومش هتصدقو كانت ملك بتتعامل مع الكل بلطافه ورقه وده كان بيضحك حمزه فى نفس الوقت بيكتشف فى ملك حاجات اول مره يعرفها بس الى أتأكد منها أنه ملك بتظهر حاجه وجواها حاجه تانيه وشاطره جدا فى التمثيل .
كان فاكر أنها بتمثل اللطافه والرقه بس الحقيقه ان ملك زى اى بنت رقيقه ولطيفه من جواها بس معظم إلى بتشوفهم مش بيبقو مستهلين لطافتها وبيشوفو لطافتها معاهم ضعف بس هى مش ضعيفه وتقدر تدافع عن نفسها كويس اوى حتى حمزه الاول كان فاكرها ضعيفه وكان عايز يستقوى عليها لكن هى عرفته البنت تقدر تعمل ايه وده الى انا شايفاه كمنار شايفه أن البنت تقدر تعمل كل حاجه مش ضعيفه زى ما الكل بيقول بس لمجرد أن البنت بتمشى ورا مشاعرها ده ميضعفهاش العكس يخليها اقوى كمان البنات من حقهم يعملون إلى بيحبو يعنى لو بيحبو رياضه معينه يقدرو يلعبوها مش عشان بنت تبقا مش هتقدر العكس فى بعض الأوقات بتبقا البنت احسن من الولد كمان(انا يشجع حقوق المرأة يا جماعه 😂😂💪)
فى نهايه اليوم.
ملك:والورق ده كده تمام
حمزه:تمام جدا
ملك ابتسمت.
حمزه:شاطره اوى فى التمثيل انتى
ملك:اه بدأنا طب استنى لما نمشى عشان الواحد يعرف يرد براحته.
حمزه:حرام اكيد بتعانى وانتى يتخفى حقيقتك عن الكل.
ملك: حقيقتى! ليه يعنى انت شايف حقيقتى ايه.
حمزه:واحده غبيه دراعها إلى ممشيها مش اكتر بمعنى اصح ماشيه بمبدأ حقى برقبتى