صبا بتعب : مراد الحقنى بطني بتوجعني أووى وحاسه أن همو”ت الحقنى بالله
مراد بخضه : أهدى خمس دقايق وهكون عندك
صبا بوجع : ااااااه
مراد بصدمه : صباااا
صبا بدموع : متتأخرش بالله
مراد فضل معاها على التلفون وهو قلقان عليها وقلبه وجعه وميعرفش ليه بعد خمس دقايق بالفعل وصل لأن بيت صحبه قريب جدا طلع يجرى على الشقه ودخل الأوضه لاقاها واقعه على الأرض والد”م حواليها اتخض وشالها ونزل بسرعه ركب عربيته وطلع على المستشفى بسرعه
مراد بصوت عالى : دكتوره بسرعه
الدكتوره جت وخدوها أوضة الكشف وكشفوا عليها
مراد استني بره بقلق والدكتوره خرجت
مراد بقلق : خير يادكتوره هي كويسه صح
الدكتوره بهدوء : للأسف فقدنا الجنين ربنا يعوض عليكم
مراد : طب وهي عامله ايه
الدكتوره : كويسه تقدر تشوفها عن أذنك
دخل بسرعه ليها وشافها ساكته
مراد : عامله ايه دلوقتي
صبا بشرود : الحمد لله البيبى نزل صح ؟
مراد بارتياح : أيوه
صبا : الحمد لله جت من عند ربنا
مراد : لازم نطلع على المأذون نتمم جوزانا عشان كده الجواز باطل كله
صبا : لسه مصمم تتجوزنى تاني
مراد بتصميم : مش هنتكلم فى الموضوع ده تاني هتقدرى تخرجى ؟؟
صبا : أيوه