فى صباح اليوم التالى الكل اتجمع على الفطار وقعدوا على السفره
مدحت: صباح الخير يا ولاد
صباح الخير يا حبيبتى صباح الخير يا زهره
الجميع: صباح النور
ماجده: صباح النور يا حبيبى
زهره: صباح النور يا بابا
طبعا حمدله على سلامتك يا حبيبه جدو الحمد لله انك كويسه
المهم فى كذا نقطه حبيت ان انا وماجده نتكلم معاكم فيها
اول حاجه بخصوص مصطفى خلاص هنمشى فى ورقه عشان يدخل الحربيه بإذن الله
تانى حاجه بخصوص حمزه مبروك لنجاحه وخلاص هيدخل الثانويه العامه
تالت حاجه ودى حاجه مهمه انا وماجده وزهره بإذن الله هنسافر نعمل حج وعمره
مصطفى: يعنى احنا هنكون لوحدنا
مدحت: وده إلى احنا عاوزينه انكم تعتمدوا على نفسكم ونشوف هتعرفوا تتصرفوا وديروا حياتكم ازاى
حمزه: متقلقش يا جدى
مصطفى: هنكون قدها يا جدى كلنا هنخلى بالنا من بعض
عائشه بدموع: جدو متسبنيش
مدحت: يا حبيبه جدو انا وتيته وعمتو رايحين بيت رب العالمين ولم نخلص هنرجع على طول
تعالى فى حضنى يا قلب جدو
عائشه جريت فى حضن جدها
مدحت: انتى هنا هتقعدى مع اخواتك وعايزاكى تخلى بالك منهم وهم يخلوا بالهم منك اتفقنا يا حبيبتى
عائشه وهى بتمسح دموعها بكفوفها: حاضر يا جدو
ماجده: طب يلا بينا يا عائش تيجى تحضرى معايا الشنط انا وعمتو
عائشه: يلا بسرعه
وفعلوا حضروا الشنط واستعدوا للرحيل
مدحت: هتوحشونى اووى يا ولاد
الكل: وانا كمان هتوحشنا اووى يا جدو
ماجده بتمثيل الحزن: وانا ايه مش هوحشكم
كلهم جريوا فى حضنها: هتوحشونا اووى يا تيته
راحوا حضنوا زهره: هتوحشينى اووى يا ماما
عائشه: هتوحشينى خالص يا عمتو
زهره: وانتى كمان يا قلب عمتو
مدحت: يلا بينا