مدحت: دلوقتى احنا عاقبنا العيال دى دلوقتى لازم فى حد كمان هيتعاقب جامد
كلهم بصوا لعائشه
عائشه: فى ايه أنتم بتبصولى كده ليه هو انا عملت حاجه غلط
عائشه لسه هتجرى مسكها مصطفى
عائشه: سبنى يا مصطفى انا معملتش حاجه سبنى يا تيته خليه يسبنى
مدحت: عائشه
عائشه: جدو حبيبى والله ده انت حبيبى إلى بحبه خليه يسبنى
مدحت عايز يضحك بس اتماسك
مدحت: مش هسيبك عايزه تجرى تروحى فين
عائشه: وانا أقدر بردو أجرى يا عسل انت ده انت حبيبى لو هشحت كده مبحبش قدك
مدحت ضحك ضحكه كبيره وفتح دراعاته ليها
مصطفى ساب عائشه وجريت على جدها
مدحت: انا واخواتك كنا هنعاقبك بإننا مش هنكلمك خالص عشان انتى غلطى بس انا مقدرتش بصراحه وطبع بوسه على رأسها
مصطفى: واحنا كمان مقدرناش الصراحه مكناش نتخيل أن ممكن تعملى كده مع العيال دى
حمزه:احنا كلنا فخورين بيكى اووى يا عائشه
عمر: احنا قولنا عائشه ممكن تخاف ومتقدرش تعمل حاجه
عمرو: لكن انتى قولتى كلام حلو اووى وكبير على سنك وده إلى خلانا كلنا نكون فخورين وفرحانين بيكى اووى
مدحت: وفوق ده كله احنا كلنا كنا زعلانين منك عشان خرجتى من ورانا وعرضتى نفسك للخطر بس احنامنقدرش نزعل من عائشه ابدا حبيبه جدها وقلب البيت كله صح
كلهم: صح الصح كمان
عائشه: انا بحبك اووى يا جدو ومش هعمل كده تانى بجد انا آسفه
وطلعت تجرى لحضن اخواتها الاربعه: مش هتتكرر تانى خايص خايص
مصطفى: واحنا كلنا متأكدين من ده
وبادلوها كلهم نفس الحضن
ماجده: ايه ده ومفيش حضن لتيته
عائشه طلعت تجرى فى حضنها: انا اصلا مش بحب قد تيته
مدحت بص عليهم كلهم بنظره رضا وسعاده كبيره وقال من جواه الحمد لله أحمدك وأشكرك يا ربى
♡♡♡♡♡
مدحت: ها يا حمزه ظهرت
حمزه: اللينك بطئ فى التحميل يا جدو
ماجده: بإذن الله خير يا حبيبى
مصطفى: انا خايف يا جدى
مدحت: انا فخور بيك وواثق فيك وفى مجهودك انا أهم حاجه عندى انى اشوفكم مبسوطين وأين كان نتيجتك يا حبيبى كلنا هنفرح بيها اووى ولا ايه
عائشه: اووى اووى يا جدو هنفرح كلنا بطاطا
مصطفى بضحك: طاطا ايه دلوقتى هو ده وقته