فارس بجدية: انا مش بتهم حد يا حضرة الظابط و زى ما قولتلك انا مشفتش وش اللى ضـ’ربنى فمش هينفع اتبلى على حد وانا مش متأكد
استغفر الله العظيم الذي لا اله الا هو الحي القيوم و اتوب اليه ♥️
ادهم : تمام وانا اوعد حضرتك انى هبذل كل مجهودى عشان الاقيه عن اذنكم
فارس: اتفضل
خرج ادهم حور حسيت انها مش عارفه تاخد نفسها من عياطها اللى كاتمه جواها
سمية بغضب : انت مقولتلهمش ليه عليه انا متأكدة انه هو اللى عمل فيك كدا
فارس : هستفيد ايه هيثم دلوقتي فى المستشفى فمش هعرف اثبت عليه حاجه وكمان اسم حور هيتجاب فى الموضوع وانا مش عايز كدا
سمية بغضب وعصبية مفرطة: هتفضل لحد امتى كدا لحد امتى هتيجى على نفسك عشان واحدة كل اللى عملته فيك انها وجعتك وبس يا ريتها مقدرة كل اللى بتعمله عشانها كنت قلت ماشى انما دى واحدة انانية مش بيهمها غير نفسها وبس حرام عليك يبنى اللى بتعمله فى نفسك دا
فارس : دى مواضيع ما بينى وما بين مراتى وياريت محدش يدخل فيها لو سمحتم
حور مكنتش قادرة اتكلمت بصوت مكتوم من العياط هى مكنتش عايزة تضايق فارس أو تتعبه
حور : انا هخرج شوية عن اذنكم
فارس بضيق : استنى هتروحى فين
حور بتوتر: هروح الحمام
فارس: الحمام وراكى ادخلى
حور : عايزة اخرج شوية وهاجى تانى