قام وقف واتكلم بسخرية : هنا هنا اللى كانت عايزة تلبسك سر”قة وتضيع مستقبلك بتثقى فيها انتى عارفه يا حور انتى هبلك دا مينفعش يعيش انتى المفروض عمى كان قت”لك بعد ما خلفك بجد دا انتى لو اتسابتى لوحدك تض”يعى
حور بوجع من كلامه : يعنى انت شايف كدا على فكرة أنا مش محتاجه وجودك ومش عايزاه
فارس بألم شديد: مش عايزنى يا حور
حور بعند عكس اللى جواها بس هى كانت متعصبة منه ومن طريقته : ااه مش عايزاك وكل حاجه حصلت ما بينا مكنتش براضاي حتى البيبى دا غلطة هفضل عمرى كله ندمانة عليها انت واحد قا’سى ومتملك وعايز الكل يمشى على مزاجك وأنا عمرى ما هحبك
سمية بغضب شديد: كفاية بقى حرام عليكى انتى ايه يا شيخة قلبك دا حج’ر كفاية عليه وجع بقى
فارس بوجع شديد حس ان قلبه بيتقط’ع من كلامها نزلت دموعه اللى مقدرش يسيطر عليها : سبيها يا ماما كملى يا حور وايه تانى كملى قولى كل اللى فى قلبك ناحيتى
أدركت الكلام اللى قالته حسيت انها عايزة تعيط بشدة على الو’جع اللى شفته فى عينيه واللى هى السبب فيه
حور : ابيه انا
فارس بمقاطعة وبعصبية مفرطة والم شديد: يل’عن الحب اللى مخلينى استسلم قدامك واضعف واهين كرامتى بالشكل دا
عزة : متاخدش على كلامها يا فارس هى بس متعصبة هى عيلة هتاخد على كلام عيلة
فارس: انا تعبت وخلاص مبقاش عندى طاقة بنتك مخلتش فيا قلب كسر’ته مليون حتة من رفضها ليا
كمل وهو بيبص لحور : مش انتى عايزة تطلقى انا لسه عند كلامى هتخلصى امتحانات وهطلقك ومش هتشوفى وشى تانى
سمية : يعنى ايه مش هتشوف وشك تانى يا فارس
فارس: يعنى انا هستنى تخلص ثانوية عامة الاول واطمن عليها وبعد كدا هطلقك يا حور وهتجوز
وقعت الجملة عليها وكأن حد جاب جردل ميه متلجة ودلقه عليها بصتله بصدمة شديدة واتكلمت بصعوبة
: هتتجوز