ادم : انت اتأخرت ليه مش هتيجي المستشفى انهاردة ولا ايه
فارس : لا مش جاي بقولك فاكر معتز صاحبنا
ادم : معتز مين
فارس : معتز اللي كان ليه فى اجهزة التتبع عقبرينو الكمبيوتر فاكره
ادم : ايوا اه ماله
اللهم صلي وسلم وبارك على سيدنا محمد وعلى اله وصحبه اجمعين ♥️
فارس : ابعتلي رقمه ضروري عايزاه
ادم : ماشي هبعتهولك دلوقتي هو فيه حاجه ولا ايه
فارس : هيثم هر”ب
ادم : بتقول ايه طب ازاي
فارس : مش وقته الكلام دا يا آدم ابعت رقمه بسرعة
ادم : حاضر
راح فارس و جاب جاهز التتبع وحاطه فى اسورة و رجع البيت افتكر انه قال لحور تعقد عند عزة رن الجرس وهو مرعوب عليها هو من ساعة ما عرف موضوع هيثم وهو مش عارف يمنع قلبه من الخوف الشديد عليها
عزة : ازيك يا فارس تعال
فارس : حور هنا صح
عزة : اه جوا قاعدة بتذاكر عبال ما مستر علي يجي هو وهنا
فارس : طب معلش يا مرات عمي ناديها
عزة : ما تدخل يبني تناديلها بنفسك انت مكسوف ولا ايه دا بيتك ادخل وانا هحطلكوا الغدا
فارس : تمام
عزة : هي فى اوضتها جوا
فارس دخل الاوضة لاقى حور قاعدة على السرير دخل وفرد جسمه على السرير جانبها
حور وهي بتبصله : اقدر اعرف حضرتك قولتلي انزل اقعد عند ماما ليه
فارس ببرود : مزاجي قالي كدا
حور : تصدق انك با”رد
فارس وهو بيمسك ايدها وبيوقعـ”ها عليه : مقبولة منك يقلبي
حور : مالك